RU

Последние новости

15:07"Ливерпуль" ҳимоячиси билан шартномани узайтиради  0 14:40"Арсенал" "Лейпциг" ҳужумчисини сотиб олиш режасидан воз кечмаган  0 14:14Хавига МЮда ишлаш варианти таклиф этилмоқда  6 13:49"Байер" ярим ҳимоячиси "Бавария"га ўтмоқчи  0 13:21Амир Ғаленои: "Биз дастлабки икки учрашувда гол ўтказиб юбормаган ягона жамоамиз. Эрон – дунёдаги энг яхши мамлакат"  11 12:55Германия дарвозабони терма жамоага чақирувдан бош тортди  0 12:25Клопп футболга қайтмоқда!  3 11:53Жалолиддин Машарипов: "Эроннинг кучсиз томонлари ҳақида эронлик журналистлар олдида гапиришим тўғри эмас"  5 11:42Владо Радманович: "Катанец билан ўйин давомида доимий алоқада бўламиз"  13 11:20Ўзбекистон Эронга қарши қандай либосда ўйнаши маълум  3 10:55"Ливерпуль" ёзда Салоҳнинг ўрнига бошқа бир мисрлик футболчи билан шартнома тузмоқчи  1 10:26"Манчестер Сити"нинг "устуни" ёзда жамоани тарк этади  0 09:52Ислом Маматказин: “Ўйинни ўзида ютиб кетишимизга ишонгандик. Қандайдир ўзгача руҳият бор эди”  10 09:20Франческо Тотти ўзининг идеал футболчисини йиғди  5 08:43"Бавария" Мусиалани жамоада олиб қолиш учун ойлигини беш бараварга оширишга тайёр  1

Финалдан олдинги матбуот анжумани. Миржалол Қосимов: "АГМК финалга ўз меҳнати билан чиқди. Битта ўйинда барча нарса бўлиши мумкин" Новости

Финалдан олдинги матбуот анжумани. Миржалол Қосимов: "АГМК финалга ўз меҳнати билан чиқди. Битта ўйинда барча нарса бўлиши мумкин"

Ўзбекистон кубоги финалидан олдинги матбуот анжуманида АГМК бош мураббийи Миржалол Қосимов ва жамоа дарвозабони Валижон Раҳимов иштирок этди.

"Сизлар билан кўришиб турганимиздан хурсандман. Суперлига доирасида "Навбаҳор"га қарши ўйинда Наманганга кубок финали учун қайтиб, мезбонларга қарши ўйнашни ният қилгандик. Аммо бу футбол, ўз меҳнатимиз билан финалга чиқдик. Бу ерга яхши ниятлар билан келдик. Намангандаги бу стадионда муҳит доим яхши бўлган. Мухлислар доим "Навбаҳор"нинг 12-ўйинчиси бўлиб келади. АГМК жамоаси финалга муносиб тайёрланди. "Пахтакор"ни таърифлаш шарт эмас, рақиб қандай кучга эга эканлигини барча билади. Бекорга улар чемпион бўлишмади. Аммо кубок финали битта ўйиндан иборат, ғалаба қозониш учун ҳаракат қиламиз. Эртага стадионга келган мухлислар курашларга бой ўйинни томоша қилишади ва хурсанд бўлиб уйга қайтишади", - дейди Миржалол Қосимов.



"Тошкентдаги финалларда стадион тўлмасди. Намангандаги финалда мухлислар келиб қўллаб туришса чиройли ўйин бўлади деб ўйлайман. Биз финалга тасодифан чиқиб қолмадик. "Локомотив", "Металлург" ва "Насаф" каби клубларни мағлуб этдик", - дейди Валижон Раҳимов.



"Финалга осонгина чиқиб қолмадик. Дастлаб сафарда "Локомотив"ни мағлуб этдик, кейин "Металлург"га қарши баҳс бўлди, ярим финалда "Насаф"ни ютдик. Бу жамоа ҳам жуда кучли. Осон ўйинлар бўлгани йўқ. Ҳақли равишда финалга чиқдик. Битта ўйинда барча нарса бўлиши мумкин, камроқ хато қилишга ва имкониятлардан фойдаланишга интиламиз. Финалда боримизни бериб ўйнашга ҳаракат қиламиз.

Футболда жароҳатлар кўп учрайди, бу одатий ҳолат. Футболда жароҳатлар ёнма-ён туради. Пандемия сабаб бутун дунё учун йил жуда оғир ўтди. Мавсум ҳам чўзилиб кетди. Санжар Турсунов майдонга туша олмайди. Бобур Йўлдошев, Миржамол Қосимов ва Муроджон Тошматовда кичик жароҳатлар бор. Жароҳат олган бир-икки футболчи финалда ўйнай олмайди. Лекин шунга қарамай эртанги финалда уларнинг йўқлигини билинтирмаймиз, деган умиддаман.


Биз футболни мухлислар учун ўйнаймиз. Улар стадионга келиб, ёқтирган жамоаларига мухлислик қилишларини, футболдан завқ олишларини истаймиз. Наманганда доим ажойиб мухлислик бўлган, ўйлашимча, эртага мухлислар тўла стадионда ўйнаймиз. Бўш трибуналар барибир финалга хос эмас. Муҳит ҳам бошқача бўлади. Ўз вақтида футбол ўйнаганимда ҳам Наманганда мухлислар ажойиб тарзда ўз жамоаларини қўллаб-қувватлашарди. Наманганда футболга бўлган меҳр ўзгача. 

Айни пайтда ОЧЛ ҳақида ўйлаётганим йўқ. Олдимизда финал бор ва шу боис халқаро мусобақа ҳақида ҳозирдан ўйлаш нотўғри бўларди. Мен ўйиндан-ўйинга сакрашни ёқтирмайман. Эртага бизни муҳим ўйин кутмоқда.

Агар Осиё чемпионлар лигасида иштирок этсак, унда шунга яраша таркибни кучайтиришимиз керак бўлади. Чунки АГМК  халқаро майдонда нафақат Олмалиқ шаҳри шаъни, балки бутун Ўзбекистон шарафини ҳимоя қилади ва яхши натижалар қайд этишга интиламиз. Янги мавсумда нафақат бизнинг клубда, балки барча жамоаларда ўзгаришлар, янги футболчилар бўлади. Чунки барча жамоалар кучлироқ футболчиларни чорлашга интилади. Биз ҳам таркибни кучайтиришга ҳаракат қиламиз.


Очиқча айтадиган бўлсам, "Навбаҳор" жамоасидаги баъзи футболчиларга қизиққанмиз. Лекин жиддий қизиқиш бўлмаган. 

Анча йиллардан буён мураббийлик қилаяпман ва ҳакамлар ҳақида деярли гапирмаганман. Ҳакамлар назоратчилари бор, уларга баҳо бериш бизнинг иш эмас. Финалда хорижлик ҳакамлар? Олдинроқ ҳам шундай бўлганини эслайман, лекин айни пайтда ўзбек ҳакамларининг малакаси араб ҳакамларидан баландроқ.

АГМК жамоаси якунлаётган йилдан кўнгли тўлдими? Жамоада қоровулдан бошлаб раҳбаргача барча битта мақсад йўлида бирлашган. Осон йил бўлгани йўқ, мавсум жуда оғир ўтди. Барча футболчилар чарчашган. АГМК ўз тарихида илк бор чемпионатда бронза медалларига эга чиқди. Бу осон бўлгани йўқ. Буни тагида катта меҳнат турибди. Жамоада ишлайдиган барча буни яхши билади. Тарихий воқеа билан мухлисларимизни, қолаверса футболчилар ва уларнинг яқинларини табриклайман. Лекин тўхтаб қолиш керак эмас. Спортда доимо олдинга интилиш керак. Олдимизда Осиё чемпионлар лигаси турибди. 

Фурсатдан фойдаланиб барча ўзбек халқини кириб келаётган янги 2021 йил билан табриклайман. Соғлик-саломатлик, янги ютуқлар тилайман. Янги йил барчамизга омад келтирсин. Ўзбекистон миллий терма жамоамизга, "Пахтакор" жамоасига ҳам ОЧЛда омад тилаймиз. Қолаверса АГМК ҳам халқаро майдонда иштирок қилади. Янги йил барча учун, айниқса спорт жамоатчилиги учун муваффақиятли келсин", - дейди Миржалол Қосимов.



Рейтинг: +9   

Комментарии

championat.asia
< посмотреть последние новости
Яндекс.Метрика