Месси фаолиятида олтинчи марта бир мавсумда 50та ва ундан кўп гол урди
20 мая 2019 11:56
Новости

Месси фаолиятида олтинчи марта бир мавсумда 50та ва ундан кўп гол урди

"Барселона" ҳужумчиси Лионель Месси "Эйбар"га қарши баҳсда (2:2) дубль қайд этишга муваффақ бўлди.

Шундай қилиб, Мессининг жорий мавсумда барча чемпионатларда урган голлари сони 50тага етди. Аргентиналик фаолиятида 6 марта бу натижага эришди.

Форварднинг жорий мавсумдаги 50та голи қуйидагича тақсимланди: 36 - Испания чемпионатида, 12та - Чемпионлар лигасида, 2та - Испания Кубогида.

Месси қуйидаги мавсумларда 50та ва ундан кўп гол урган эди: 53та - 2010/2011, 73 - 2011/12, 60 - 2012/13, 58 - 2014/15, 54 - 2016/17.

Эслатиб ўтамиз, Месси 6 марта Испания чемпионати тўпурарига айланди. Бу кўрсаткич билан у турнир етакчиси Тельмо Саррага етиб олди. Лионель ва "Барселона" ўртасидаги битим 2021 йилнинг ёзида якунига етади.