Марокаш терма жамоаси Аргентинадан Месси борасида тушунтириш талаб қилди
25 мар 2019 12:45
Новости

Марокаш терма жамоаси Аргентинадан Месси борасида тушунтириш талаб қилди

Марокаш қироллик футбол федерацияси Аргентинага қарши бўладиган ўртоқлик учрашувида Лионель Месси иштирок этмаслиги борасида баёнот берди.

Олдинроқ, 31 ёшли аргентиналик мушак муаммоси туфайли марокашликлар билан ўйинни ўтказиб юбориши эълон қилинган эди. Жароҳат сабабли футболчи миллий жамоа сафини тарк этди. Марокаш футбол федерацияси Аргентинадан нега Месси ўртоқлик ўйинида майдонга тушмаслиги борасида тушунтириш талаб қилди. Ўртоқлик ўйини шартларига кўра, иккала жамоа учрашувда жанговар таркиблар билан майдонга тушиши керак.

Мессининг майдонга тушмаслиги молиявий жиҳатга ҳам таъсир қилади. Агар Лионель Месси баҳсда иштирок этганида, Аргентина ҳисобига 969 минг евро тушарди, бироқ энди улар бор-йўғи Марокашдан 528 минг евро олишади.

Ссылка :

Источник : frmf.ma

Получайте новости прямо в Telegram!

Рейтинг: +19