Марҳум Николай Ширшов оиласига ёрдам беришни хоҳлайсизми? "Пахтакор" - "Бунёдкор" учрашувига марҳамат!

Айниқса, 2002 йилги ЖЧ саралаши доирасидаги Хитойга қарши сўнгги ўйин мухлисларнинг ҳали ҳам ёдида бўлса, ажаб эмас. Гап шундаки, сўнгги ўйинда ҳам бизда ҳеч бўлмаганда плей-оффга чиқиш учун назарий имконият бор эди. Бунинг учун термамиз бу баҳсда ғалаба қозониши, гуруҳдаги бошқа рақибларимиз ҳисобланган, БАА - Уммон баҳсида эса меҳмонларнинг қўли баланд келиши керак эди. Учрашувнинг сўнгги дақиқалари ўтиб бораётганда, Ширшов хитойликлар дарвозасини узоқ масофадан ишғол қилди ва бу қувончини мухлислар билан баҳам кўрди. Бу хурсандчиликнинг сабаби эса стадионда БАА - Уммон баҳсида, меҳмонларнинг қўли баланд келгани ҳақида нотўғри маълумот кетгани сабаб бўлган эди. Кейинчалик эса, ғалаба қозонганимизга қарамай плей-оффга илина олмаганимиз ойдинлашганди.

Футболчилик фаолиятини якунлагач, Ширшов Россияда ёш футболчиларга мураббийлик қилиб келаётганди. 2021 йилнинг 28 декабрь куни нохуш хабар барча ўзбекистонлик футбол мухлисларини ранжитди: Николай Ширшов вафот этди...

Унинг ўйинларини кўриб катта бўлган инсонлар бунга ишонишмасди. Афсуски энди у орамизда йўқ. Бир неча йил давомида "Пахтакор" клубида тўп тепган Николай Ширшовни "халқ жамоаси" ёдидан чиқариб қўйгани йўқ.

29 июнь кунги "Бунёдкор"га қарши баҳсда мухлислар харид қилган чипталардан тушган маблағ тўлиғича Николай Ширшовнинг оиласига ўтказиб берилади. Шундай экан чоршанба кунги баҳсда стадионга ташриф буюришни ва ўзбек футболи афсоналаридан бирининг оиласини қўллаб-қувватлашга ўз ҳиссангизни қўшингизни сўраб қоламиз.

Эслатиб ўтамиз, "Пахтакор" - "Бунёдкор" учрашуви 29 июнь куни соат 20:00да "Пахтакор" стадионида бошланади. 

Пахтакор Аббосбек Файзуллаев - 18', Фаррух Сайфиев - 86'

Суперлига. Тур 13 29/06/2022, 20:00 3 : 2 Завершен

Бунедкор Джасур Ҳакимов - 51', Умарали Рахмоналиев - 81', Умарали Рахмоналиев - 90'

45'

90'

18'  Аббосбек Файзуллаев

67'  Хожимат Эркинов

73'  Диёр Холматов (Хожиакбар Алижонов)

86'  Фаррух Сайфиев

46'  Фархад Мирахматов (Билол Туплиев)

51'  Джасур Ҳакимов

56'  Францис Нарх (Усмонали Исмоналиев)

72'  Джасур Ҳакимов (Расул Юлдашев)

81'  Умарали Рахмоналиев

90'  Умарали Рахмоналиев

90'  Умарали Рахмоналиев (Гайрат Азизходжаев)

90'  Ибрахим Томива (Хусайин Эргашбоев)

Открыть в Матч-Центре