Мадриддаги финал ҳақида нималарни билиш керак?

Кетма-кет 10 йилдирки ЕЧЛ финали дам олиш куни бўлиб ўтмоқда.

Финал қаерда ўтади?

Жорий йил финалга Мадрид шаҳридаги "Атлетико"нинг "Метрополитано" ўйингоҳи мезбонлик қилади. Мазкур ўйингоҳ 2017 йилнинг сентябрь ойида очилганди. Бу "Метрополитано"даги илк халқаро финалга айланади.

Қайд этиш керакки, охирги маротаба Мадрид шаҳри "Сантьяго Бернабеу" стадионида 2010 йилги мавсум ЕЧЛ финалига мезбонлик қилганди.

Финал чипталарини қаердан сотиб олиш мумкин?

Финалга чиқарилган дастлабки 4000 чипта аллақачон UEFA.com сайти орқали бутун жаҳондаги мухлисларга сотиб бўлинган. Финалга чиққан "Ливерпуль" ва "Тоттенхэм" жамоалари мухлисларига 17000тадан чипталар ажратилган. Қолган чипталар эса ташкилий қўмиталар, УЕФА ва миллий ассоциацияларга тақдим этилади ҳамда тижорий ҳамкорларга берилади. Шунингдек, корпоратив қабуллар учун махсус тарифлар мўлжалланган. 

Чемпионлар Фестивали

Ҳар йилги ўтадиган УЕФА чемпионлар фестивали 30 майдан 2 июнга қадар Мадрид шаҳрининг марказида давом этади.

Кириш текин. Чемпионлар фестивали доирасида турли хил тадбирлар, финалга бағишланган саҳналар уюштирилади. Мазкур фестивал меҳмонларини УЕФА Чемпионлар лигаси афсоналари билан учрашувлар, эсдалик учун юлдузлар иштирокидаги фотосессия, шоу-бизнес юлдузлари иштирокидаги мусиқий лаҳзалар, ва УЕФА Чемпионлар лигаси соврини билан суратга тушиш имконияти тақдим этилади.

Хуштак эгаси ким?

Эртанги финал баҳсини словениялик Дамир Скомина бошчилигидаги ҳакамлар гуруҳи бошқариб боради. 

Финал учрашуви олдидан ташкил этиладиган очилиш маросимида ким куйлайди?

Финал учрашувининг очилиш маросимида "Pepsi" компанияси томонидан тақдим этиладиган "Imagine Dragons" гуруҳи "Метрополитано" стадионида чиқиш қилади. "Imagine Dragons" гуруҳи муаллифлигида  "Believer", "Radioactive" ва "Thunder" каби қўшиқлар хит даражасига чиққан.

Тоттенхэм

Лига Чемпионов УЕФА. Плей-офф . Тур final 02/06/2019, 01:00 2 : 0 Завершен

Ливерпуль Мохамед Салах - 2', Дивок Ориги - 87'

Стадион: Estadio Wanda Metropolitano, 63272 зрителей

Главный судья: Дамир Скомина

45'

90'

66'  Харри Уинкс (Лукас Моура)

74'  Мусса Сиссоко (Эрик Дайер)

81'  Деле Алли (Фернандо Льоренте)

2'  Мохамед Салах

58'  Роберто Фирмино (Дивок Ориги)

62'  Джорджиньо Вейналдум (Джеймс Милнер)

87'  Дивок Ориги

87'  Жоэль Матип

90'  Садио Мане (Джо Гомес)

Открыть в Матч-Центре