"Ливерпуль" юлдузи болалигидан "Реал" ҳақида орзу қилган – Собослаининг келажаги Мадриддами?

Доминик Собослаи "Ливерпуль" сафида ажойиб мавсум ўтказмоқда – барча мусобақалардаги 10+7 статистик кўрсаткич уни "Реал" билан янада кўпроқ ёнма-ён тилга олинишига сабаб бўлмоқда.

Кутилмаганда, вазиятни Венгрия терма жамоаси бош мураббийи Марко Росси кескинлаштириб юборди. "Winwin"га интервьюсида мутахассис Собослаи ҳақида шундай фикр билдирди: "Унинг доим битта орзуси бўлган: Реал сафида тўп тепиш. Мен Доминик футбол ўйнашни бошлаганидан буён у билан яқинман ва айтишым мумкинки, Реал доим унинг орзуси бўлган".

Винисиус ва Собослаи ўртоқ ва ижтимоий тармоқларда бир-бирларини мунтазам равишда қўллаб-қувватлашади.

Куни кеча Винисиусдан унинг "Реал"дан "ташқарида" футболчи дўстлари борми деган саволни беришганди. "Madrid Zone" бразилияликнинг сўзларидан иқтибос келтиради: "Собослаи билан кўп гаплашамиз. Ёшроқлигимдан уни танийман".

Ижтимоий тармоқларда футболчилар мунтазам равишда бир-бирлари ҳақидаги постларга реакция билдиришади. Мисол учун, Винисиусга Собослаининг голни бразилиялик услубида нишонлагани "ёқиб тушганди".

Собослаи ҳам Винисиус ва Трент Александр-Арнолднинг постлари остида кўриниш берган. Англиялик билан улар икки мавсум "Ливерпул"да бирга тўп тепган бўлса, бразилиялик билан фақатгина рақиб сифатида тўқнаш келишган.

Нафақат 2025 йилнинг кузида — ўшанда "Ливерпуль" "Энфилд"да "Реал"ни мағлубиятга учратганди, балки 2022 йилда ҳам — ўшанда Собослаи "Лейпциг" сафида тўп тепган ва икки бор "Реал" билан гуруҳ босқичида рўбарў келган.

Шунингдек, Собослаи ва Винисиус ёшлар терма жамоалари ўйинларида дуч келган деб ўйлаш мумкин, аммо шу каби статистикани юритувчи "Transfermarkt" портали бундай ҳолатларни қайд этмаган.

Бразилияликнинг сўзларидан кейин мухлислар кейинги саволларни йўллашган: улар қандай қилиб танишган ва қайси тилда ўзаро суҳбатлашиши ишқибозларга қизиқ бўлган.

Ким билади дейсиз, балки кейинчалик футболчилар бу борада барчасини айтиб беришар.

"Реал" ва Собослаи беш йил аввал алоқага чиқишган, аммо трансфер амалга ошмаганди.

2020 йил Собослаи "Ред Булл" шарафини ҳимоя қилган ва трансферга тайёрланаётган эди. Йилнинг охирида венгрга Зинедин Зидан қўнғироқ қилгани, ўшанда франциялик "Реал" бош мураббийи эди, маълум бўлади. Суҳбатнинг асосий мавзуси қишдаги трансфер бўлган.

"As" футболчи "Реал"га келажакда ўтишни истагани, лекин испан грандини трансфер суммаси чўчитгани ҳақида ёзади. Ҳа, ўша вақтда ярим ҳимоя чизиғида ҳеч қандай муаммо йўқ эди: Тони Кросс, Лука Модрич ва Каземиро асосий таркибда, захирада эса Иско, Федерико Вальверде ва Мартин Эдегор бор эди.

"La Gazzetta dello Sport" Собослаи "Реал" вариантидан "Милан" учун воз кечиши ҳақида ёзганди, аммо бундай бўлмади.

Ўша қишки трансфер ойнаси вақтида "Лейпциг" Собослаи учун 36 миллион евро сарфлади, лекин 2020/21-йилги мавсум иккинчи қисмида у жароҳат туфайли "буқалар" сафида майдонга туша олмади, кейин қўшимчасига Евро-2020га бормади. Бу орада Зидан "Реал"дан кетди ва Собослаи ҳақидаги гап-сўзлар батамом тўхтатилди.

Жароҳатдан тузалиб, сафга қайтган Доминик Бундеслигада ёрқин икки мавсумни ўтказди ва 70 млн евро эвазига "Энфилд"га кўчиб ўтди.

2025 йил охирида медиада "Реал" Собослаига қизиқаётгани ҳақида ёза бошлашди. 2026 йил февраль ойида эса инсайдер Фабрицио Романо испан клуби "Ливерпуль" билан трансфер бўйича расмий алоқага чиққани ва венгрияликнинг ўзига ҳам жиддий шартнома таклиф қилишга тайёрлигини маълум қилди. Topskills Sport UK бу келишувга Эдуардо Камавингани ҳам қўшишлари мумкинлигини таъкидлаган эди.

Собослаининг "Ливерпуль" билан амалдаги шартномаси 2028 йилнинг ёзигача мўлжалланган, янги келишув борасида ҳозирча ҳеч қандай гап-сўз йўқ. Турли ОАВнинг хабарларига кўра, Собослаи ҳафтасига 290 минг ёки ҳаттоки 340 минг евро маош олишни истамоқда.

Чамаси, олдиндаги ёз футболчи фаолиятидаги энг муҳимларидан бири бўлади.