Куртуа гол уриши мумкин эди, "Реал" айнан у туфайли мағлубиятдан қутилиб қолди

- 93-дақиқа. Родриго "Реал" жарима майдончасига кирди, Начо ундан тўпни олиб қўйиб, жамоадошига пас беришга уринди, аммо тўп Вальехога тушди. Тибо дарвозасидан чиқиб, бурчакни ёпди ва сейв орқали, ҳисоб 0:2 бўлишидан асради.

- 95-дақиқа. Куртуа бурчакдан узатиладиган тўп учун рақиб жарима майдончасига кирди ва ўзи бўйидан унумли фойдаланди: Ҳаводаги курашда Кондогбияни мағлуб этиб, зарба берди - "Валенсия" посбони Доменек тўпни қайтарди.

Гарай тўпни тепиб юборишга уринди, аммо тўп Бенземага тушди.

Совуққон франциялик зарба берди ва ўзининг чемпионатдаги 12-голини урди (ассистентлик Куртуага тегишли десак ҳам бўлаверади).

Сўнгги дақиқаларда дарвозабон сейви ва рақиб майдонасидаги фаоллиги "Реал"га дуранг келтирди.

"У рақиб жарима майдонасига боришга қарор қилди ва бу билан ҳеч қачон таслим бўлмаслигимизни кўрсатди. Ҳисобни тенглаштириш учун катта куч сарфладик" - деди Зидан.

Дарвозабоннинг ўзи қарорига қуйидагича изоҳ берди:

"Бўйим 2 метр - бу катта устунлик. Стандартларга борсам, рақиблар асабийлашишини билгандим. Тони Кроос узатмани яқин бурчакка йўналтирди, мен эса узатмага мослашиб, тўпга зарба бердим. Кейин тўп Бенземага тушди ва ҳисоб тенглашди".

- Куртуа жорий мавсум рақиб дарвозасига зарба берган иккинчи посбонга айланди. Биринчиси "Леганес"даги Хуан Сориано бўлган.

- Куртуа жорий мавсум бош билан зарба бериш бўйича Месси ва Фекирдан яхшироқ натижа қайд этди; Гризманн ва Бэйлнинг зарбалари Тибоники билан тенг.

"Реал" ва "Барселона" 35 очко билан турнир жадвалида етакчи бўлиб туришибди: "Барселона" ҳам бу турда дуранг қайд этди, "Реал" ўзиб кетиш имкониятидан фойдалана олмади.

Кўчирилган "Эл-Классико" чоршанба куни бўлиб ўтади.