Коронавируснинг илк аломатлари қандай? “Фиорентина” футболчиси жавоб берди

У касаллик аломатлари ҳақида instagram'даги саҳифаси орқали гапириб берди. 

“Эрталаб уйғонганимда, иситмам бор эди, бутун танамни тер босганди. Ҳароратимни ўлчасам 37 даражани кўрсатди. Дориларни қабул қилиб, тезда клубга қўнғироқ қилдим. Иситмам 39 даражага кўтарилиб, ҳолатим ёмонлашганидан кейин эса шифохонага мурожаат қилдим. Бироқ, мен барчаси бундай ёмон бўлади деб кутмагандим. Ҳозир эса бари жойида ва дам олмоқдаман. Ҳозир мен қила оладиган ягона иш ҳам шу, 14 кундан кейин эса барчаси ўз ҳолига қайтади. Жамоадошларим билан кўришганим йўқ, ўйлайманки, уларда ҳаммаси яхши”, дейди Влахович. 

Эслатиб ўтамиз, “Фиорентина”да Влахович билан бирга Патрик Кутроне ва Херман Пеццельяларнинг коронавирусга топширган тестлари ижобий чиққанди. Ҳозирда уларнинг аҳволи яхшилиги айтилмоқда.