Карло Анчелотти: "Чемпионлар Лигаси – энг муҳим мусобақа. Омад ҳақида гапириб, муаммоларингизни беркитишга уринманг"

"Мен доим Чемпионлар Лигасида ютишни истайман. Чемпионат муҳим, аммо ЕЧЛ – бу энг муҳим мусобақа. 

Ушбу турнирлар бир-биридан фарқ қилади. Биттасида 38 учрашув бор, иккинчисида бир мунча камроқ. Баъзида ҳаммаси 180 дақиқалик тўқнашувда ҳал бўлади. Бундай ҳолатда эса майда деталлар биринчи планга чиқади.

Бу ерда гап омад ёки омадсизлик ҳақида кетмаяпти. Баъзилар ўз жамоасидаги камчиликлар ёки рақибнинг кучини омадга "тўнкаб" қўя қолади.

Агарда мен "Реал" "Осасуна"га фақатгина омад биздан юз ўгиргани учун ютқазди десам, тўп билан муомаладаги муаммоларимиз ва рақибнинг муносиб ҳаракатини рад этган бўлиб қоламан.

Майда деталларни ҳам унутмаслик муҳим. ЕЧЛда бир неча дақиқада 3 та гол уриш мумкин. Менда шунақаси бўлган. Бу нарса ҳаттоки ярим финалда ҳам юз бериши мумкин. Кучли характер кичик деталларни назорат қилишга ёрдам беради.

Ва "Реал" – ўша кичик деталларга эътибор бериб, натижага эриша оладиган клуб", – деди "Мадрид" устози.