Жеррарднинг “Рейнжерс”и Шотландия чемпионатини мағлубиятсиз якунлади
15 мая 2021 21:25
Новости

Жеррарднинг “Рейнжерс”и Шотландия чемпионатини мағлубиятсиз якунлади

Шотландия чемпионатининг якунловчи турида мамлакат чемпионлигини муддатидан олдин ҳал қилиб қўйган “Рейнжерс” 4:0 ҳисобида “Абердин”ни таслим этди.

Шу тариқа, глазголиклар мавсумни мағлубиятсиз якунлашди. Стивен Жеррард бошқарувидаги жамоа 38 ўйинда 32 та ғалабага эришиб, 6 марта рақиблари билан дуранг ўйнаган ҳолда 102 очко жамғарди. Тўплар нисбати эса 92-13 (+79).

Маълумот ўрнида, “Рейнжерс” 2011 йилдан бери илк марта Шотландия чемпионлигини қўлга киритиб, “Селтик”нинг гегемонлигига нуқта қўйди. Жамоа ўз тарихида 55-маротаба мазкур титулга эга чиқди. 40 ёшли Жеррард эса мавсум якунларига кўра чемпионатда 2020/21 йилги мавсумнинг энг яхши мураббийи номини қўлга киритди.