Июль ойида Ахбор Имомхўжаев хотира турнири бўлиб ўтади
28 июн 11:53
Новости

Июль ойида Ахбор Имомхўжаев хотира турнири бўлиб ўтади

Теги : Ахбор Имомхўжаев Ахбор Имомхўжаев хотира турнири

Роппа-роса бир йил муқаддам ўзбек футболи журналистикасининг асосчиси Ахбор Имомхўжаевни хотирлаб, унинг издошлари томонидан футбол мусобақаси ташкил этилганди.

Унда Ахбор ота ҳаётлик даврида фаолият олиб борган соҳа вакиллари иштирок этгани эътиборга молик.

Сир эмаски, Имомхўжаев мамлакат футболи ривожига катта ҳисса қўшган. У ўз вақтида Ўзбекистон футбол ассоциациясида фаолият олиб борган, футбол ҳакамлигида ўзига хос ютуқларга эришган, Лига учрашувларида комиссар сифатида ишлаган, матбуот, радио, телевидениени бу инсонсиз тасаввур қилиш қийин эди. Қаҳрамонимиз 80 ёшдан ошган вақтида ҳам соғлом турмуш таризини тарғиб қилишда давом этди ҳамда “Тонг” фахрийлар жамоаси сафида ҳафтасига 3 маротаба футбол ўйнарди.

2 июль — халқаро спорт журналистлари куни бутун дунёда кенг нишонланади. Имомхўжаевлар сулоласи айнан шу сана атрофида анъанавий тарзда хотира турнири ташкил этишни мақсад қилган. Мамлакатимизда футбол мавсуми 6 июль куни танаффусга чиқади. Танаффуснинг илк кунида эса иккинчи бор Ахбор Имомхўжаев хотира турнири бўлиб ўтади.

Ушбу мусобақада Championat.asia сайти ходимларидан тузилган жамоа ҳам иштирок этади.

Ссылка :

Источник : championat.asia

Получайте новости прямо в Telegram!

Рейтинг: +5