Иброҳим Абдуллаев: "Марокаш ҳимоячиларга етарлича ташвиш туғдирди"
22 окт 2013 18:32
Новости

Иброҳим Абдуллаев: "Марокаш ҳимоячиларга етарлича ташвиш туғдирди"

Марокаш билан ўйинда ҳимоячиларимизга катта босим тушди. Шунинг учун микст зонада ҳимоячиларимиз билан суҳбатлашдик.

Ҳимоячиларга ҳос бўлмаган рақамда (№9) ҳаракат қилаётган Иброҳим Абдуллаевнинг ўйинга доир фикрлари билан танишинг.

- Ўйиннинг дастлабки 15 дақиқасида ҳаяжон бўлди. Бу нима билан боғлиқ ёки руҳан тайёрланиш қийин бўлдими?
- Марокаш кучли терма жамоа бўлганлиги учун қарши ҳужум тактикасидан фойдаланишимиз керак эди. Афсуски баъзи вазиятларда бизга аниқлик етишмади. Ўз навбатида улар биринчи бўлимда тинмай ҳужум қилдилар бу эса ҳимоячиларга етарлича ташвиш туғдирди. Ўйинни бошидаги ҳаяжон ҳам шу билан боғлиқ. Кейин ҳаммаси ўз жойига тушиб кетди.

- Марокаш асосан ўнг қанотдан ўз ўйинини "қурди". Натижада сен ва Ашурматовга етарлича иш топилди...
- Тўғри жуда қийин бўлди. Танаффус чоғида мураббийимиз бу борада яна бир бор ўз кўрсатмаларини бердилар ва биз уни бажара олдик. Муҳими мухлисларимиз хурсанд бўлган бўлдилар.

Нодирхўжа Юлдашев

Ссылка :

Источник : championat.asia

Получайте новости прямо в Telegram!

Рейтинг: