Ибрагимович "Аякс"га қайтишга қарши эмас
15 июл 2019 11:36
Новости

Ибрагимович "Аякс"га қайтишга қарши эмас

Афсонавий швециялик ҳужумчи Златан Ибрагимович "Аякс" борасида берилган саволга ижобий жавоб қайтарди.

37 ёшли футболчи ҳозирги кунда "Лос Анжелес Гэлакси" клуби шарафини ҳимоя қилмоқда.

"Собиқ клубимга қайтмаслигим мумкин, аммо фаолиятимни якунлаганимдан сўнг "Аякс" менежери бўлишим мумкин. Мен у ерда ўтирган ҳозирги одамдан кўра яхшироқ иш қилган бўлардим", - дейди Златан.

Златан фаолиятини "Мальмё"да бошлаган. У АҚШ клубига қадар "Аякс", "Ювентус", "Интер", "Барселона", "Милан", ПСЖ ва "Манчестер Юнайтед" клубларида ўйнаган. Швеция терма жамоасида эса 2001-2016 йилларда ҳаракат қилган.

Футболчи якунланган мавсум АҚШ чемпионатида 15та ўйинда майдонга тушиб, 13та гол ва 3та ассистга эришган.