Гвардиола "Сити"ни "Реал", "Бавария", "Барселона" ва "Ювентус" даражасига чиқишига узоқ вақт кераклигини айтди

- Янги мавсум дастлабкисидек яхши кечади, деб умид қиламан. Одамлар илк мавсумда "Сити" мураббийлар штаби учун омадсиз ўтди, дея ҳисобламоқда. Бу шунчаки биз аввал қилган ишлар фонида шундай кўринган.
Мен 7 йиллик мураббийлик фаолиятимда 6 марта мамлакат чемпионлигини қўлга киритганман, шунингдек, ЕЧЛ ярим финалларида иштирок этганман. Ўтган йили эса ўхшамади. Шуни унутмангки,"Барселона" ҳам доим ҳам ярим финалларда ўйнайвермайди.

"Манчестер Сити" - ажойиб жамоа. Англиядаги охирги беш йил ичида ЕЧЛда мунтазам ўйнаётган ягона клуб. Лекин биз "Барселона", "Бавария", "Ювентус" ва "Реал" каби жамоаларни қувиб олишимиз жуда қийин бўлади. Бунинг учун 10 йил вақт керак.