Фермин ва Гави қизлар туфайли жанжаллашиб қолганми?

Аввалроқ ОАВда "Барселона" футболчилари ўртасидаги муносабатлар уларнинг қиз дўстлари орасидаги можародан кейин кескинлашгани ҳақида хабарлар пайдо бўлган эди. Шунингдек, Гави "Барселона" раҳбариятидан Ферминни трансферга қўйишни сўрагани хабар қилинган.

"Мен Гави билан 12 ёшимдан дўстман. Биз "Бетис" давридан бери танишмиз, лекин мен "Барселона" академиясига ўтганимдан бери у билан ака-укадекмиз. Биз бирга кўп нарсаларни бошдан кечирдик.

Одамлар доимо ўзларича бир-нималарни ўйлаб топишади, бу нарсалар ҳеч қачон ўзгармайди, лекин биз ҳали ҳам дўстмиз. Бизнинг муносабатларимиз ҳар доимгидек яхши", – деди "Барселона" ярим ҳимоячиси.