Фердинанд МЮ натижасига катта ҳисса қўшаётган 3 футболчини ажратиб кўрсатди

Клуб афсонаси Рио Фердинанд бу муваффақиятда жонбозлик кўрсатганларни алоҳида таъкидлади.

Янги дарвозабон Сенне Ламменс улардан бири эканлиги ажабланарли эмас, чунки унинг келиши билан жамоанинг натижалари юқорига кўтарилди.

"Ҳозирда бир нафар асосий ўйинчи бор деб ўйламайман. Маттейс де Лигт — ушбу мавсумдаги энг яхши ҳимоячимиз. У нафақат ишончли ўйини билан, балки муҳим голларни уриши билан ҳам ажралиб турибди. Брайан Мбеумо — шунчаки ажойиб. У ҳужумда ҳақиқий етакчига айланди ва тўпни ушлаб туришга, вазиятлар яратишга, ўзи гол уришга қодир. Ва, албатта, дарвозабонсиз бу муваффақият ҳақида гапира олмасдик. Унинг келиши билан бизда ишонч пайдо бўлди. Футболчилар унга ишонишади ва бу натижаларда яққол кўриниб турибди", – деди Фердинанд.