Европа лигаси. Бугун "Арсенал" Беларусда, "Интер" Австрияда, "Челси" Швецияда меҳмон
14 фев 2019 13:56
Новости

Европа лигаси. Бугун "Арсенал" Беларусда, "Интер" Австрияда, "Челси" Швецияда меҳмон

Бугун тунда Европа лигаси 1/16 финалидан ўрин олган дастлабки ўйинлар бўлиб ўтади.

Унда бир қатор қизиқарли баҳслар ўтказилади.

Италиянинг "Интер" клуби Венада "Рапид" билан ўйнайди. Мауро Икарди мазкур баҳсда иштирок эта олмайди.

Россиянинг "Краснодар" клуби ўз майдонида Германиянинг "Байер" клубини қабул қилади.

Римдаги "Олимпико" стадионида "Лацио" - "Севилья" учрашуви бўлиб ўтади.

Лондоннинг "Арсенал" жамоаси Минск шаҳрида БАТЭ билан куч синашади. Ўтган ҳафта "Манчестер Сити"га 0:6 ҳисобида ютқазган Лондоннинг яна бир клуби "Челси" Швецияда "Мальмё" меҳмони бўлади.

Шотландияда яна бир қизиқарли баҳс бўлиб ўтади. "Селтик" Испаниянинг "Валенсия" клубини қабул қилади.

Учрашувлар Тошкент вақти билан соат 22:55 ва 01:00да бошланади.