Эрнесто Вальверде "Манчестер Юнайтед"га қарши ўйиндан олдинги матбуот анжуманида қатнашди (тўлиқ)

"Рақибнинг режалари қандай эканлигини билмайман. Бироқ жамоанинг ЕЧЛдаги натижалари барчасини айтиб турибди - МЮ 4 сафар ўйинининг 3тасида ғалабага эришди. "Ювентус" ва ПСЖга қарши ўйинларда МЮ сўнгги дақиқаларда ғалаба голини киритди. Биз ўз ўйинимиз ва кучли қарталаримиз ҳақида ўйлашимиз керак.

Биз сафарда гол ура олдик. Бироқ бу ҳеч нимани англатмайди. Ўзимизнинг имкониятларимиз ҳақида гапиргим келмаяпти. Шунчаки, МЮга ўз дарвозамиз учун зарба беришга имконият қолдирмасликка ҳаракат қиламиз. Ҳеч қайси вазиятда биз ўзимизда устунлик борлигини эсламаслигимиз керак. Бу ахмоқлик бўлади.

МЮнинг кучли томонлари кўп. Жамоа ғолиблик руҳига эга. Айнан майдонда биз рақибдан устун эканлигимизни кўрсата олишимиз керак.

"Юнайтед" илк дақиқаларданоқ ҳужумга ташланадими ёки йўқ, билмайман. Улар тахминан ўтган сафар ўйинларидаги тактикани ишлатишади. МЮнинг имкониятларини яхши биламиз. Шу боисдан дарвозамиз олдида яратилаётган барча вазият голга айланмаслиги керак. "Юнайтед"га бўш ҳудуд очиб берса, бизни жазолай олади.

Ярим финалга чиқишга интиламиз. Аммо рақиб жуда жиддий. Ҳудди биз каби жуда кучли. Бу ердагиларнинг барчаси тушуниб турибдики, ярим финалга чиқиш тўсиғи анчагина залворли. Буни унутмаслик керак", - деди Вальверде.