ЕЛ. "Вильярреал" - "Карабах" ўйини коронавирус сабаб кўчирилди
10 дек 2020 11:47
Новости

ЕЛ. "Вильярреал" - "Карабах" ўйини коронавирус сабаб кўчирилди

Бугун бўлиб ўтиши керак бўлган Европа Лигаси гуруҳ босқич 6-тур доирасидаги "Вильярреал" - "Карабах" ўйини ўтказилмайдиган бўлди.

Бу ҳақда испан клуби матбуот хизмати хабар бермоқда. Ўйин Озарбайжон клубидаги коронавирус билан боғлиқ вазият сабаб номаълум муддатга кўчирилди.

Ўйинни қачон бўлиб ўтиши ҳали маълум эмас. Озарбайжон клубига шунчаки техник мағлубият ҳам ёзилиши мумкин.

Ўйиннинг мусобақа жадвалига таъсири йўқ. "Вильярреал" 13 очко жамғарган ва I гуруҳида биринчи ўринни кафолатлаган. Ўз навбатида "Карабах" 1 очко тўплаган ҳолда 4-ўринда бормоқда. Ўйин натижасидан қатъий назар "Карабах" сўнгги ўринда қолади.

Жамоаларнинг илк ўйини Истанбулда бўлиб ўтган ва баҳс испан клубининг 3:1 ҳисобидаги ғалабаси билан якунланган.

Ссылка :

Источник : villarrealcf.es

Получайте новости прямо в Telegram!

Рейтинг: