Дилшод Андаев: “Хоразм” билан ўйинда фақат ғалаба учун майдонга чиқамиз”

Хусусан Косонда кечадиган “Аланга” – “Хоразм” баҳсининг аҳамияти юқори. Шу боис бўлажак ўйин олдидан “Аланга” бош мураббийи Дилшод Андаевнинг фикрлари билан қизиқдик.

- Дилшод ака, бугун биринчи босқичнинг сўнгги ўйини бўлиб ўтади. Жамоангизнинг “Хоразм”га қарши кечадиган баҳси жуда муҳим эканлигини инобатга олиб айтадиган бўлсак, бўлажак баҳсга тайёргарлик қандай?
- Ҳақиқатдан ҳам, бугунги ўйин кўп нарсага аниқлик киритади. Гарчи бизни мазкур ўйинда дуранг натижаси ҳам иккинчи босқичга чиқишимизни таъминласада, фақат ғалаба учун майдонга чиқамиз.

- “Хоразм” ҳам ютуқни кўзлаб келгани аниқ. Бу жамоа ҳақида фикрингиз қандай?
- Урганч жамоаси таркибида ҳам бу йил асосан ёшлар ҳаракат қилмоқда. Жамоа ўйини ҳам ёмон эмас. Кўрамиз, бугун ким ғалаба қозонар экан.

Исломбек Рустамбеков суҳбатлашди