ЧЛ доирасидаги "Барселона" - "Реал" баҳси аёллар футболи тарихида энг кўп мухлис ташриф буюрган ўйин бўлди
31 мар 2022 11:01
Новости

ЧЛ доирасидаги "Барселона" - "Реал" баҳси аёллар футболи тарихида энг кўп мухлис ташриф буюрган ўйин бўлди

Аёллар ўртасидаги Чемпионлар Лигаси 1/4 финали доирасидаги "Барселона" ва "Реал" (5:2) ўртасидаги ўйинда мухлисларнинг ташрифи бўйича жаҳон рекорди ўрнатилди.

Бу ҳақда УЕФА хабар бермоқда.

Барселонадаги "Камп Ноу" стадионига 91 553 мухлис ташриф буюрди.

Олдинги рекорд Пасадина (АҚШ)да ЖЧ-1999 финали доирасидаги АҚШ ва Хитой (0:0, пенальтилар бўйича 5:4) ўртасидаги ўйинда ўрнатилган эди. Ўшанда ўйинга 90 185 мухлис ташриф буюрган.

"Барселона" 5:2 ҳисобида ғалаба қозонди. Каталония жамоаси илк ўйинда 3:1 ҳисобида рақибини мағлуб этганди.

Испания жамоаси ярим финалда "Арсенал" - "Вольфсбург" жуфтлиги ғолиби билан ўйнайди.

Аёллар ўртасидаги Чемпионлар Лигаси финали 21 май куни Туринда бўлиб ўтади. "Барселона" мусобақанинг амалдаги чемпиони ҳисобланади.