“Челси” ва ПСЖ “Порту” футболчиси учун курашади

“Порту”нинг 27 ёшли ҳимоячиси Алекс Теллесга “Челси” ва ПСЖ жиддий қизиқиб қолди. Иккала клуб ҳам чап қанот ҳимоячисини ёзги трансферлар вақтида ўз сафига қўшиб олиш ниятида. Теллеснинг “Порту” билан амалдаги шартномаси 2020 йил ёзида якунига етади. Футболчининг ўзи клуб билан шартномасини узайтиришдан бош тортган ва фаолиятини бошқа клубда давом эттириш истагини билдирган.

Жорий мавсум футболчи Португалия чемпионати доирасида 22 та ўйинда қатнашиб, 8 та гол урди ва 5 та голли узатма берди.