"Бернабеу"да фантастик кечалар бўлиб туради", - Жуд Беллингем "Реал" камбэк қилиш ниятида эканини айтди

Жавоб учрашуви эртага, 16 апрель куни бўлиб ўтади. Жамоа футболчиси Жуд Беллингем эртанги ўйин олдидан ўз фикрлари билан бўлишди.

"Бернабеу"да доимо ажойиб муҳит ҳукм суради, у ердаги энергия юқумли. Биз буни ҳис қиламиз, бу биздаги энг яхши фазилатларни юзага чиқаради. 

"Камбэк". Сўнгги ҳафта давомида бу сўзни миллион марта эшитдим. Бу бизни жуда руҳлантиради. Бу оқшом айнан "Реал" учун яратилган. Бошқа бирор муҳим нарса қўша олмайман.

Биринчи ўйиндагига қараганда анча яхшироқ ҳаракат қилишимиз шарт. Кўпроқ жонкуярлик кўрсатиш, тўп билан кўпроқ маҳорат намойиш этиш керак. Ўйлайманки, биз бор кучимизни ишга солмадик, лекин бундан ҳам кўпроғига қодир эканлигимизни биламиз ва буни эртага кўрсатмоқчимиз.

Биринчи ўйиндан кейин камбэк қилиш қийин, аммо жамоанинг ўзига бўлган ишончини кўрганингда, ўзингни барчасининг бир қисми деб ҳис қиласан. Бу нарса аввал тезда сени қамраб олади, вазиятда ўзингни анча ишончли ҳис қилишингга сабаб бўлади.  Автобусда кетаётганимизда [Лондондаги ўйиндан сўнг] ҳозиргидек ҳис қилмасдик, лекин ўзимизга ишонган эдик."

Ўйинчилар бор кучлари билан ҳаракат қилишларига ишонишимиз керак. "Бернабеу"да фантастик кечалар бўлиб туради ва биз бундан ҳам кўпроғига эришишимизга ишонамиз. Биз аҳмоқ эмасмиз, балки ўз кучимизга ишонамиз. "Арсенал" аслида бизни ҳайратда қолдирмади. Жарима зарбалари билан боғлиқ вазият кутилмаган эди. Лондонликларда жуда кучли жамоа ва ажойиб мураббий бор," - деди Беллингем.