"Барселона"дан "Реал"га ўтган яна бир футболчи бор экан
22 апр 2018 17:11
Новости

"Барселона"дан "Реал"га ўтган яна бир футболчи бор экан

Биласизми, "Барселона"дан "Реал"га кўчиб ўтган яна бир футболчи бор.

Айни дамда у "Уотфорд" таркибида ҳаракат қилмоқда - Франсиско Фемения.

Ушбу футболчи 1991 йилнинг 2 февраль кунида таваллуд топган. 2011 йили "Барселона" уни 2 млн евро эвазига "Эркулес" жамоасидан харид қилган. Икки мавсум мобайнида у "Барселона"нинг иккинчи таркибида 63 учрашувда майдонга тушади ва 6 гол киритади.

Бироқ Фемения 2013 йилда номаълум сумма эвазига "Реал"га ўтади. Бироқ у "Реал"нинг иккинчи жамоаси "Кастилья" таркибида яхши ўйнай олмайди ва 2015 йилда "Алавес"га бериб юборилади.

Ҳимоячи 2017 йилда "Уотфорд" таркибига кўчиб ўтди.