“Барселона” Мартинес билан келишувга эришди ва унга Гризманн сингари маош тўлашга тайёр

Daily Star нашрининг хабарига кўра, “Барселона” футболчи учун йилига 17 миллион евро тўлашга тайёр. 2019 йилнинг ёзида “Атлетико”дан кўк-анорранглилар сафига келиб қўшилган Антуан Гризманн ҳам клубдан йилига деярли шунча маош ишлаб олади.

22 ёшли аргентиналик футболчининг трансфер сўммаси 65 миллион еврони ташкил этиши кутилмоқда. “Барселона” раҳбарияти айнан ушбу ҳужумчини Луис Суареснинг ўринбосари сифатида кўрмоқда.

Лаутаро Мартинес “Интер”га 2018 йилнинг ёзида Аргентинанинг “Расинг” клубидан кўчиб ўтганди. Ҳужумчи жорий мавсумда Конте жамоасида барча турнирларда 16 та гол уришга эришди.