"Барселона" афсонаси Дембелега: "Клубда ўйнашни истамасанг, либосингни еч ва бу ердан жўна"
21 янв 2022 21:08
Новости

"Барселона" афсонаси Дембелега: "Клубда ўйнашни истамасанг, либосингни еч ва бу ердан жўна"

Каталониянинг "Барселона" клуби собиқ ҳужумчиси Христо Стоичков ярим ҳимоячи Усмон Дембелени "кўк-анорранглилар" билан шартномасини узайтиришдан бош тортгани учун танқид қилди.

Болгариялик афсонанинг сўзларига кўра, Дембеле бу хатти-ҳаракатлари билан клуб номига доғ туширмоқда.

"Сен ҳеч қачон "Барса" қандай клуб эканлигини билмагансан. Агар клубда ўйнашни истамасанг, унинг номига доғ туширма, либосингни еч ва бу ердан жўна. Жаноб Лапорта, чиқиш эшикларини очинг ва уни қўйиб юборинг", — деди Стоичков.

Эслатиб ўтамиз, аввалроқ "Барселона" раҳбарияти январь ойидаги трансфер ойнаси якунланмагунча Дембеледан қутулиш ниятида эканлигини маълум қилганди. Футболчининг хизматларига АПЛ клублари қизиқиш билдирган.

Ссылка :

Источник : Cope

Получайте новости прямо в Telegram!

Рейтинг: +27