Баҳром Ҳакимов: "Ҳар иккала жамоамиздан ҳам ижобий натижа кутсак бўлади"

- "Локомотив"нинг тайёргарлиги ҳақида газета ва сайтлардан хабардор бўлиб турдим. Танишларим ҳам клубда бўлаётган ўзгаришлар хусусида айтиб туришди. Лекин яқин орада бирорта синов-назорат баҳсини кўрмадим. Шунинг учун жамоанинг қандай ўйин кўрсатишини айта олмайман. Лекин бундай юлдузли таркиб билан улар Тошкентда керакли натижани қўлга кирита олишади. Ўз уйингда деворлар ҳам ёрдам беради деганларидек, "Локомотив" футболчиларининг пойтахтда ғалаба қозонишига шубҳа йўқ. Тошкентда иқлим вакилларимизга нисбатан кўпроқ рақиб футболчиларига муаммо келтириб чиқариши мумкин. Шунинг учун бундан хавотир олиш керак эмас.

- Бугунги ўйинда "темирйўлчилар"нинг қандай тактикада ўйнашини билмаймиз. Лекин мен қаерда ишламай доимо иккита ҳужумчи билан ўйинни бошлаганман. Мухлисларга ҳам ҳужумкор футбол ёқади. Айтишларича "Локомотив" мураббийлари хориждан юқори савиядаги ҳужумчиларни таркибга жалб этишган. Шунингдек, олдинги чизиқнинг тезкор вакили Иван Нагаевдан ҳам кўп нарса кутса бўлади.

- "Насаф"нинг имкониятлари ҳам жуда яхши. Мен Рўзиқулга ишонаман. Бу шогирдим аҳил клубни шакллантира олди. Асосийси жамоа ўз ўйин услубига эга. Қатарда улар ғалаба билан қайтишига тилакдошман. Бу ўйинга аждарлар Туркия ва БААда тайёргарлик кўришди. Мураббий нима қилиш кераклигини билади.

- "Насаф" ҳам бугун иккита ҳужумчи билан ўйнаши керак. Илҳом Шомуродовга Игорь Таран сал орқароқда ёрдам берса яхши бўлади деган умиддаман. Ундан ташқари Кенжа Тўраевнинг тайёргарлиги ижобий бўлса, ундан ҳам фойдаланса бўлади. Қолаверса ўтган йили кўпчиликни тилига тушган Азамат Алланиёзов ҳам борилигини унутмаслик керак. Фурсатдан фойдаланиб ҳар иккала жамоамизга омад кулиб боқишини Яратгандан сўраб қоламиз.

Исломбек РУСТАМБЕКОВ суҳбатлашди.