"Арсенал" бельгиялик футболчи учун курашга қўшилди

Дрис Мертенснинг "Наполи" билан амалдаги шартномаси ёзда ниҳоясига етади. Шу туфайли бельгиялик футболчи янги мавсумни бошқа жамоа таркибида бошлаши кутилмоқда. "Sky Sports" нашри хабарига кўра, 32 ёшли форвард ёзда Лондоннинг "Арсенал" клуби билан битимга имзо чекиши мумкин. Таъкидланишича, "тўпчилар" раҳбарияти Мертенсга футболчиқнинг ҳар қандай молиявий талабларини қондиришга тайёр эканини баён қилган. Шунингдек, "Боруссия" (Дортмунд), "Бавария", "Манчестер Юнайтед" ва "Интер" клублари ҳам "Наполи" ҳужумчисига бефарқ эмаслар.