Анте Мише: «Туркманистон гуруҳда иккинчи ўрин учун курашади»
18 июл 2019 12:15
Новости

Анте Мише: «Туркманистон гуруҳда иккинчи ўрин учун курашади»

Туркманистон терма жамоаси бош мураббийи хорватиялик Анте Мише ЖЧ-2022 саралаш босқичига қуръа ташланган ўз фикрларини билдирди.

Кеча бўлиб ўтган қуръага кўра Туркманистон терма жамоаси "H" гуруҳида Жанубий Корея, Ливан, КХДР ва Шри-Ланка билан кураш олиб борадиган бўлди.

«Жанубий Корея – гуруҳдаги энг кучли жамоа, қолган барча жамоалар билан гуруҳда иккинчи ўрин учун курашамиз. Барча рақибларни ўрганиб чиқиш ва ўйинларга тайёргарлик кўриш учун вақтимиз бор. Бу биз учун катта синов бўлади. Ўйиндан-ўйинга олдинга интиламиз», – дейди Анте Мише turkmenportal.com сайтига.