Александер-Арнольд Винисиус билан кутилаётган дуэль ҳақида тўхталиб ўтди
28 мая 2022 22:25
Новости

Александер-Арнольд Винисиус билан кутилаётган дуэль ҳақида тўхталиб ўтди

"Ливерпуль" ўнг қанот ҳимоячиси Трент Александер-Арнольд Чемпионлар Лигаси финалида Винисиусга қарши ўйиндан кутаётган умиди билан ўртоқлашди.

"Реал Мадрид"га қарши ўйнаганингизда, сиз жаҳон даражасидаги ўйинчиларга қарши туришни кутасиз. Бутун майдонда дуэллар бўлади. Бизда уларнинг ҳужумларига қандай дош беришга асосланган режамиз бор.
Винисиус – қойилмақом ўйинчи, у буни айниқса, жорий мавсумда гол уриб, пас ошириб кўрсатди. Уни кузатиш қизиқ.
Биз ўз ишимизни индивидуал ва жамоавий тарзда яхши бажаришимиз керак. Бу жамоавий ўйин ва якунда жамоа ғалаба қозонади", – деди англиялик футболчи.

Эслатиб ўтамиз, "Ливерпуль" ва "Реал" ўртасидаги Чемпионлар Лигаси финали бугун Парижда бўлиб ўтади. Учрашув Тошкент вақти билан соат 23:59 да бошланиши кутилмоқда.

Ссылка :

Источник : Football Espana

Получайте новости прямо в Telegram!

Рейтинг: +5