А Серия. "Милан" "Фиорентина" билан, "Интер" "Наполи" билан дуранг ўйнади, "Лацио" эса меҳмонда "Верона"дан устун келди

Пиетро Комуссо 66-дақиқада ҳисобни очди. Кристофер Нкунку эса 90-дақиқада рақиб дарвозасини ишғол қилган ҳолда миланликларни мағлубиятдан қутқариб қолди. Қайд этиш керакки, “Фиорентина” устози Паоло Ваноли 45+2 дақиқада иккинчи сариқ карточкани олиб, майдондан четлатилди.

“Милан” 19 ўйиндан сўнг 40 очко жамғарган ҳолда, “Интер”дан сўнг иккинчи ўринда бормоқда. "Фиорентина" эса 20 ўйиндан сўнг 14 очко билан 18-ўринда жойлашган.

79-дақиқада Виктор Нелссон ўз дарвозасига тўп киритиб қўйди ва римликларга меҳмондан ғалаба билан қайтишди.

“Лацио” 20 ўйиндан сўнг 28 очко билан 8-ўринда, “Верона” эса 19 ўйиндан сўнг 13 очко билан 19-ўринни банд этган.

Федерико Димарко 9-дақиқада ҳисобни очди. Скотт Мактоминей эса 26-дақиқада мувозанатни тиклади. 71-дақиқада неаполликлар бош мураббийи Антонио Конте жамоасига нисбатан белгиланган пенальти учун норозилигини очиқдан-очиқ кўрсатгани ортидан қизил карточка олди. Хакан Чалханоглу эса 73-дақиқада ўн бир метрлик нуқтадан рақиб дарвозасини ишғол қилди. Аммо, “Наполи” хавбеки Скотт Мактоминей 81-дақиқада ҳисобни тенглаштириб, жамоасини мағлубиятдан қутқариб қолди.

“Интер” 19 ўйиндан сўнг 43 очко билан турнир жадвалини бошқармоқда, “Наполи” эса 19 ўйиндан сўнг 39 очко билан учинчи ўринда жойлашган.