Yamal jarohatini uzoq davolashi mumkin

"Barselona" chorshanba kuni CHempionlar Ligasi doirasida "Crvena Zvezda" ustidan qozonilgan g'alabadan so'ng (5:2) 17 yoshli futbolchi "jiddiy jarohat" olganini tasdiqladi.

U so'nggi bir necha kun ichida davolandi, ammo noqulaylik hali yo'qolmagan. Uning o'ynashga tayyorligi tiklanishiga bog'liq. "Sosedad"ga qarshi o'yin boshlanishidan oldin Xansi Flik Yamalning jarohati haqida gapirdi. 

"Biz Lamindan oxirigacha umid qildik. Unga g'amxo'rlik qilishimiz kerak, uning to'pig'ida muammolar bor", – dedi Flik.

"Barsa" bosh murabbiyi jamoasining San-Sebastyandagi mag'lubiyatidan so'ng qo'shimcha qildi: 

"Laminning xalqaro tanaffusdan keyin qaytishiga ishonchim komil emas. Hozircha hech narsa aniq emas. Bilishimiz bilanoq, buni elon qilamiz".

Xansi Flik Yamal yo'qligida 21 yoshli Fermin Lopesga ishonch bildirdi va ispaniyalik futbolchi Robert Levandovski va Rafinya bilan birga maydonga tushdi. "Barselona" La Ligada yaxshi formada bo'lib, dastlabki 12 o'yinning 11 tasida g'alaba qozongan, Yamal esa 5 ta gol urgan va 7 ta golli uzatmani amalga oshirgan.