Vitaliy Levchenko: "O'zimizga bog'liq barchasini maksimal darajada bajaramiz"

"Derbi bo'lganligi uchun qiyin o'yin bo'ldi. G'alaba qozonganimizdan xursandman. Muxlislarni tabriklayman", - dedi Vitaliy Levchenko g'alabadan so'ng.

- Chempionat yakunlanishiga kam vaqt qoldi. "Nasaf" bo'lsa kecha ochko yo'qotdi. "Neftchi" peshqadam poziciyasiga ko'tarilib olish ehtimolini qanday baholaysiz?

- Biz o'zimizga bog'liq barchasini maksimal darajada bajaramiz. Barcha jamoalar ochko yo'qotishadi. Biz o'zimizning ochkolarimizni yig'ib yurishimiz kerak. Har doim o'yindan o'yinga harakat qilamiz. Hozir esa keyingi uchrashuvga etibor qaratishimiz kerak.

- FIFA kunlarida "Neftchi" o'rtoqlik uchrashuvlarida ishtirok etadimi?

- Ha, rejamizda bor. O'rtoqlik uchrashuvi tashkil etish maqsadidamiz.

- Fabio Kannavaro O'zbekiston terma jamoasi bosh murabbiyi bo'lishi haqida qanday fikrdasiz?

- Izoh berishim shart emas. Associaciya bor va bunga javobgar insonlar bor. Oldinda mundial. Kannavaro muxlislar va rahbariyat ishonchini oqlaydi degan umiddaman. Jahon chempionatida yaxshi natija qayd etilishiga tilakdoshman.

- Marushich kam o'ynamoqda. Unda jarohat bormi?

- Ha. U endigina jarohatdan tiklanmoqda. FIFA kunlaridagi tanaffus davomida to'liq tiklanib ulguradi degan umiddamiz. Keyingi uchrashuvlarda maydonga qaytib qoladi.

- Muxlislarga tilaklaringiz bormi?

- Bu juda yoqimli. Ikki sektor muxlislar ko'z oldida o'ynadik. "Andijon" muxlislari ham o'z jamoasini yolg'izlatib qo'ymadi. Bugungi atmosfera Chempionlar ligasi uchrashuvlarini eslatib yubordi.