VAR Lindelyofning qizil kartochkasini bekor qildi

Uchrashuvning 82-daqiqasida MYU himoyachisi Viktor Lindelyof qo'pol o'yini uchun hakam tomonidan qizil kartochka bilan “siylandi”. Ammo uchrashuvni boshqarib borgan Martin Atkinson videotakror tizimidan foydalanib, o'sha vaziyatni qayta ko'rib chiqdi va shveciyalik himoyachining qizil kartochkasini sariqqa almashtirdi.

Videotakror tizimi Angliya Kubogi bellashuvlarida qo'llanilib kelinmoqda. Ammo VAR tizimi faqat premer ligada qatnashayotgan jamoalarda o'rnatilgan.  Kecha Angliya kubogi doirasida o'tkazilgan “Suonsi”-“Manchester Siti” (2:3) bahsida hakamlar Serxio Aguero tomonidan “ofsayd”dan urilgan golni inobatga olishdi. CHunki chempionshipda ishtirok etayotgan “Suonsi” klubi stadionida hozircha videotakror tizimidan foydalanish imkoni yo'q.