"Urava Red Daymonds"ga qarshi bahs oldidan "SHanxay SIPG" rasmiy mashg'ulot va matbuot-anjumani o'tkazdi

Rasmiy mashg'ulotdan oldingi matbuot-anjumanida shanxayliklar ustozi Andre Villash-Boash ishtirok etdi.

"Bu bahs ikkala jamoa uchun quyi o'rindagilardan ochko bo'yicha uzoqlashib ketish uchun yaxshi imkoniyat. Biz va "Urava" yaxshi holatdamiz va bu o'yin juda qiziq o'tishi aniq. Mavsumni omadlik boshladik. Yaponiyaliklar ochiq o'yin namoyish etishadi va bu juda xavfli.

Kecha jamoa mashg'ulot o'tkazdi. "Urava Red Daymonds"ga qarshi tayyorgarlik bugun (14 mart) ham davom etadi.

 "Urava"ning hujum chizig'i juda agressiv harakat qiladi va himoyada yaxshi o'ynaydi. Ular ko'proq texnikaga tayanib harakat qilishadi. O'tgan mavsumda ular Yaponiya chempioni bo'la olmaganiga qaramay, joriy mavsumda chempionatning eng kuchli jamoasi bo'lib turibdi" - deydi Villash-Boash.

Matbuot-anjumanidan so'ng futbolchilar mashg'ulotga kirishishdi.

Eslatib o'tamiz, "SHanxay SIPG" hamda "Urava Red Daymonds" o'rtasidagi uchrashuv bugun Toshkent vaqti bilan 16:30da boshlanadi.