Ulug'bek Bakaev: "Keyingi o'yinlarda ochiqroq va agressivroq bo'lishga harakat qilamiz"
14 mar 23:18
Yangiliklar


Ulug'bek Bakaev: "Keyingi o'yinlarda ochiqroq va agressivroq bo'lishga harakat qilamiz"
- Birinchi o'yindan keyin yigitlarda ruhan cho'kish bo'ldi. Shu sababli bugungi o'yinda g'alaba qozonishimiz kerak edi. O'yin biz uchun yaxshi boshlandi. Ketma-ket vaziyatlar yaratdik, tezkor gol urib oldik. Keyinchalik yana bir-ikki vaziyatlar bo'ldi. Vaziyatlar golga aylanmaganidan keyin biz himoyaga etibor berishni boshladik. Ikkinchi bo'limda ham chuqur himoyalana oldik. Ikkinchi gol bizni xotirjam qildi. Pochinni ochib oldik, bu uch ochko bilan barcha futbolchilarimni tabriklayman va hech kimga etibor bildirishni istamayman. Ular bugun o'zlarini o'yinga bahsh qila olishdi. G'alaba bilan tabriklayman va endi keyingi uchrashuvlarni o'ylashni boshlaymiz.
- Mavsumdagi ilk g'alaba bilan tabriklayman. O'zingiz aytganingizdek, bugun jamoa natija uchun o'ynadi. Ikkinchi gol esa o'yinni o'ldirdi. Bugun ham jamoa o'tgan safargidek hujumkor o'ynasa bo'larmidi?
- Bularning barchasi ruhiyat bilan bog'liq. Ko'rgan bo'lsangiz, bugun darvozabonimiz uch-to'rt xatoga yo'l qo'ydi va bu golga olib kelishi mumkin edi. Yigitlar o'yinni olib chiqib keta olishdi. Birinchi o'yinda 90+4-daqiqada gol o'tkazganimizdan keyin yigitlarda pasayish bo'lgandi. Ko'p narsa shunga bog'liq. Keyingi o'yinlarda bunday holatlar bo'lmasligiga umid qilaman. Shu orqali boshqacharoq futbol o'ynaymiz, ochiqroq, agressivroq bo'lishga harakat qilamiz.
- Bugungi maydonning holatiga qanday baho berasiz?
- Maydon haqida nimadir deyish qiyin. Chunki bu maydonda men futbol o'ynamadim. Ushbu maydonda ikkala jamoa ham futbol o'ynadi, demak, jamoalarda sharoitlar bir xil edi.
- Bugungi o'yinda zaxiradan maydonga tushgan futbolchilar o'yinni kuchaytira oldimi.
- Ushbu futbolchilar aslida asosiy tarkib azolari hisoblanishadi. U bungacha terma jamoa ixtiyorida bo'lib turgandi. Ikki hafta davomida biz bilan bo'lmagani uchun mashg'ulotlar davomida o'sishga erishmoqda. Bugun u zaxiradan tushib, gol urdi. Gap yo'q. Uni olqishlayman.
- Bugungi o'yinda o'tgan safargisiga qaraganda himoyada o'zgarish bo'ldi. Bu 90+4-daqiqada o'tkazib yuborilgan gol bilan bog'liqmi?
- Bu erda futbolchining xatolari kuzatildi. Shu sababli u bilan gaplashdik va bugun uni zaxirada qoldirdik. Bu qaror to'g'ri bo'lganini natijada ko'rdik.
O’xshash yangiliklar

Fikrlar
Уйинни синчковлик билан тВ орқали кўриб шуни айтмоқчиманки хали Бақоевга бу янги коллектив билан кўп ишлаши кераклигини тавсия қиламан. Мени қувонтирган нарса шуки иккала голни хам Бухоро академиясидан етишиб чиққан футбочи ктритгани бўлди. Тўғри, когонлик Равшан Хайруллаев Насаф тарбияланувчиси аммо хозир бу мухим эмас. Албатта ғалаба ҳар бир мухлис учун мароқли ҳисобланади. Хуллас кейинги уйинларда бундан-да ёрқинроқ уйинлар намойиш этишини тилакдошиман. Ғалаба яна бир бор муборак бўлсин бухороликлар!!!!!