“Supermokh Cup 2016”. 1-kun. "Bunyodkorchilar"da g'alaba va mag'lubiyat
12 dek 2016 09:45
Yangiliklar

“Supermokh Cup 2016”. 1-kun. "Bunyodkorchilar"da g'alaba va mag'lubiyat

Teglar : [{"id":"61911""text":"Supermokh 2016"}{"id":"63540""text":"\u0411\u0443\u043d\u0451\u0434\u043a\u043e\u0440"}]

Bugun Malayziya poytaxti Kuala-Lumpur shahrida “Supermokh Cup 2016” turniri start oldi.

2002 va 2004 yillarda tug'ilgan futbolchilar o'rtasida boshlangan musobaqaning ilk kunida “Bunyodkor” tarbiyalanuvchilari Malayziya klublariga qarshi to'p tepishdi.

Sergey CHigodaev va Akmal Risqullaev boshchiligidagi 2002 yilda tug'ilgan futbolchilarimiz “Selangor” jamoasi bilan kuch sinashishib, raqib darvozasiga javobsiz 3ta to'p kiritishdi. Gollarga Jasur Jaloliddinov (2ta) va Sobir Norboev mualliflik qilishdi.

Malayziyaning “Terengganu” jamoasi bilan bellashgan “Bunyodkor-2004” vakillari raqibga 1:2 hisobida imkoniyatni boy berib qo'yishdi. Avvaliga SHahzodbek Akbaraliev ajoyib zarbasi bilan gol urib, “qaldirg'ochlar”ni hisobda oldinga olib chiqqandi. Biroq so'nggi daqiqalarda mezbonlar ikkita to'p kiritib, g'alabani ilib ketishdi.