Superliganing 26-tur o'yinlarida hakamlik xatolari kuzatildimi?
30 okt 11:50
Yangiliklar
Superliganing 26-tur o'yinlarida hakamlik xatolari kuzatildimi?
Championat.Asia saytining hakamlik bo'yicha eksperti, rossiyalik sobiq hakam Anatoliy Sinyaev ("Alyo, ref!" Telegram kanali) o'z hakamlar jamoasi bilan birga Superliganing 26-tur uchrashuvlaridagi bahsli vaziyatlarni tahlil qildi.
✅ "Xorazm" - "Paxtakor"
Hakam dastlab faqat "Paxtakor" o'yinchisini maydondan chetlatdi, ammo videotakrorni ko'rgach, to'g'ri qaror qabul qilib, "Xorazm" o'yinchisiga ham qizil kartochka ko'rsatdi. Aslida aynan u to'pga o'ynashga urinmay va imkoniyati bo'lmay turib, raqibining yuz qismiga qo'li bilan zarba berishga harakat qilgan edi. To'g'ri qaror – har ikkala o'yinchini maydondan chetlatish.
✅ "Buxoro" - "So'g'diyona"
"Buxoro" jamoasining 10-raqamli o'yinchisi to'pga diqqatini qaratgan holda harakatlandi, shundan so'ng to'p uning qo'liga tegdi, bu holat o'yin qoidalariga ko'ra jazoga tortilmaydigan harakat hisoblanadi. Biroq agar o'yinchining o'zi gol urgan bo'lsa, hatto jazoga tortilmaydigan qo'l tekkandan keyin ham gol bekor qilinishi kerak edi. Ammo ushbu holatda u to'pni sherigiga uzatdi, shu sababli gol to'g'ri hisoblandi.
❓ "Buxoro" - "So'g'diyona"
"So'g'diyona" o'yinchisi raqib jarima maydonida yiqildi. Mavjud rakurslardan qoidabuzarlik bo'lgan-bo'lmaganini aniqlab bo'lmaydi. Agar hakamning xato qilganini isbotlovchi dalil bo'lmasa, gol to'g'ri hisoblanadi.
✅ "Qo'qon-1912" - "Navbahor"
Fikrimizcha, hakam "Navbahor" o'yinchisini raqibni yaqqol gol urish imkoniyatidan mahrum qilgani uchun maydondan chetlatib, to'g'ri yo'l tutdi. Hujum yo'nalishi markazdan, ochiq maydon mavjud, ikkinchi himoyachi esa ancha uzoqda joylashgan. Barcha mezonlar qizil kartochka ko'rsatishni talab qiladi.
❌✅ "Bunyodkor" - "Mashal"
"Mashal" jamoasi o'yinchisi to'pni o'ynashga urinmasdan, raqib tanasiga qarab yugurib, qoidalarni qo'pol ravishda buzadi. Bunga javoban, "Bunyodkor" jamoasi o'yinchisi raqibga javob qaytardi. To'g'ri qaror: qo'pol o'yin uchun "Mashal" o'yinchisiga sariq kartochka, tajovuzkor xatti-harakat uchun "Bunyodkor" o'yinchisiga qizil kartochka ko'rsatilishi kerak edi.
P.S. Hakam "Mashal" o'yinchisiga sariq kartochka ko'rsatmadi.
✅ "Surxon" - "Andijon"
"Andijon" jamoasi o'yinchisi qasddan raqibining yuziga haddan tashqari kuch bilan zarba berdi. O'yin davomida hakam tafsilotlarni aniq ko'ra olmadi, lekin VAR to'g'ri aralashib, hakamni videotakrorni ko'rib chiqishga taklif qildi. To'g'ri qaror – tajovuzkor xatti-harakat uchun qizil kartochka.
✅ "Surxon" - "Andijon"
"Surxon" jamoasi o'yinchisi darvozaga zarba berishga uringan paytda raqib bilan to'qnashuv yuz berdi. "Andijon" futbolchisi ortiqcha harakat qilmadi, oyoqqa zarba bermadi yoki chalib yiqitmadi. Bizningcha, hakam vaziyatni to'g'ri baholab, o'yinni davom ettirishga qaror qildi.
Shu tariqa, Superliganing 26-tur uchrashuvlarida hakamlar faqat bitta xatoga yo'l qo'ydi.
O’xshash yangiliklar
championat.asia
"Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
Суперлига. Турнинг сўнгги баҳсида "Сурхон" "Андижон"га ҳеч қандай имконият қолдирмай йирик ҳисобда мағлуб этди
Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Fikrlar