Superliganing 2022 yilgi eng yaxshi assistenti: "O'zbek futbolining tepasida nima qilishni yaxshiroq biladiganlar bor"

Bu esa joriy mavsumda Superligadagi assistentlar bo'yicha eng yaxshi ko'rsatkich sifatida qayd etildi. Mavsum davomida yaxshi taassurot qoldirgan Stanislavlevich chempionat qanday o'tgani va keyingi rejalari bilan o'rtoqlashdi. 

- Aleksandar bu yil siz uchun O'zbekiston chempionatidagi debyut bo'ldi. "Qizilqum" tarkibida ilk bor to'p tepdingiz. Xo'sh, mavsum haqida qanday fikrlar bildira olasiz? Qaysi rejalar o'xshadi, nimalar qolib ketdi?

- Ortda qolgan mavsumda esda qolarli xotiralar qoldi. 6ta gol va 12ta golli uzatma bilan muvaffaqiyatli natijaga erishdim. Debyut uchun yomon emas, deb o'ylayman. Lekin biz ko'prog'iga loyiq edik. 

- 5-o'rin jamoaning joriy yilgi harakatlariga mos bo'ldimi?

- Ortda qolgan mavsumga nazar tashlasam, kuchli uchlikka kira olmaganimdan afsusdaman. CHunki bizda yuz foizli sifatli o'yinimiz bor edi. 

- Ammo oxirgi turlarda jamoa futbolchilarida kayfiyat ko'rmadik. Ayniqsa "Paxtakor" bilan uchrashuvda...

- Hozir bo'lib o'tgan ishlar haqida gapirmoqchi emasman. Klub yanada yaxshilanishi uchun ishlashi kerak. Ularga eng yaxshi tilaklarimni bildiraman. 

- Keyingi mavsumda yana qaysi jihatlar, kamchiliklar bartaraf etilishini istardingiz?

- O'zbek futbolining tepasida nima qilishni yaxshiroq biladiganlar bor. Men o'z ishimni qo'ldan kelgancha bajarishga harakat qilaman. Bu - futbol. 

- Bu yilgi shaxsiy ko'rsatkichlaringiz haqida...

- O'zbekistondagi ilk mavsumimda eng yaxshi assistent bo'lganimdan xursandman. Bir narsani aytishim kerakki, men Timurdek ajoyib va yuqori darajadagi kuchli hujumchi bilan o'ynadim. Bundan shodman. 

- O'z poziciyangizdagi eng yaxshi futbolchini ayta olasizmi?

- Bu - men. 

- Keyingi rejalaringiz qanday? Sizni 2023 yilda qaysi jamoada ko'ramiz?

- Hozirgi rejam oilam davrasida bo'lish va futbol haqida o'ylamaslik. Hammasini vaqt ko'rsatadi.