Superliga 25-tur faktlari. "Bunyodkor"da tarixiy g'alaba, OKMK 11 yildan so'ng Toshkentda "Paxtakor"ni yutdi, "Navbahor"ning ishlari besh

Jamoalar bir qator ko'rsktkichlari, o'zaro o'yinlardagi seriyalarni yangilashdi.

- OKMK 11 yildan so'ng mehmonda "Paxtakor"ni mag'lub etdi. Olmaliqliklar so'nggi marotaba 2013 yil Igor SHkvirin boshchiligida Toshkentda "sherlar"dan ustun kelgan edi. 

- OKMK Mirjalol Qosimov boshqaruvida ilk bor bir mavsumda ikki marotaba "Paxtakor"ni taslim qildi. 

- Olmaliq klubining yaponiyalik legioneri Arixiro Sentoku bu mavsumda 3 ta gol urdi. U gol urgan o'yinlarda jamoasi mag'lub bo'lmadi ("Bunyodkor" 1:0, "Paxtakor" 4:2, 2:0). 

- Nodir Abdurazzoqov ketma-ket 3 ta turdan buyon raqiblar darvozasini ishg'ol qilib kelmoqda. Bu o'yinlarda OKMK 2 ta durang, 1 ta g'alaba qayd etdi.

- "Paxtakor" bu mag'lubiyatdan so'ng 2024 yilni medalsiz yakunlashi aniq bo'ldi. Bunday holat so'nggi bor 2016 yilda qayd etilgan bo'lib, o'shanda jamoa 5-o'rinni band etgandi. 

- "Nasaf" ketma-ket beshinchi marotaba Farg'onadan g'alabasiz qaytdi. "Neftchi" so'nggi bor 2017 yil o'z maydonida bu raqibga yutqazgan edi.

- "Neftchi"da mag'lubiyatsiz seriya 11 ta o'yinga etdi. Farg'onaliklar oxirgi marotaba 14-turda o'z maydonida "So'g'diyona"ga yirik hisobda mag'lub bo'lgan edi.

- "Ajdarlar" 5 oydan so'ng mehmonda mag'lubiyatga uchradi. Ro'ziqul Berdiev shogirdlari safarda oxirgi martta 11-turda Jizzaxda "So'g'diyona"ga 3 ochko ulashgandi. 

- Husayn Norchaev "Neftchi" tarkibida 4 oydan so'ng gol urdi. Hujumchi oxirgi to'pini 13-turda "Lokomotiv" darvozasiga kiritgandi.

- "Qizilqum" ketma-ket 10 ta o'yindan buyon "Navbahor"ni engishning uddasidan chiqayotgani yo'q. Navoiy jamoasining so'nggi g'alabasi 2019 yilgi mavsumda qayd etilgan.

- "Lochinlar"ning Superligadagi mag'lubiyatsiz seriyasi 5 ta o'yinga etdi. Jamoani yutish 20-turda "So'g'diyona"ga nasib qilgan. 

- Jamshid Iskanderov Superligadagi oxirgi 2 ta o'yinda 3 ta gol va 1 ta golli uzatmani amalga oshirdi. 

- "Bunyodkor" o'z tarixida birinchi marotaba "Olimpik"ni yutdi. Bundan avvalgi 4 ta o'yinda durang qayd etilgan, 1 ta o'yinda "Olimpik" 3 ochko qo'lga kiritgan.

- "Dinamo" 10 yildan buyon mehmonda "Andijon"ni mag'lub etishning uddasidan chiqayotgani yo'q.

- "Metallurg"ning 5 o'yindan iborat g'alabasiz seriyasi yakuniga etdi. Bekobodliklar so'nggi bor 19-turda g'alabani o'ziniki qilgan edi.

- "Lokomotiv" 7 yildan buyon Jizzaxdan ortga g'alabasiz qaytmoqda. Bu holat joriy mavsumda ham davom etdi. "Temiryo'lchilar" so'nggi martta 2017 yil "So'g'diyona" maydonida zafar quchgan (4:0).