SHu kunlar ham keldi: Angliya terma jamoasida "Manchester Yunayted" futbolchisi yo'q

Bunday voqea oxirgi marta 1976 yilda sodir bo'lgan. Bu ichki maydonda og'ir kunlarni boshidan o'tkazayotgan jamoaning bugungi holatidan, shuningdek, ingliz futbolchilari o'rtasidagi raqobat yuqoriligidan dalolat beradi.

Ilgari "Manchester Yunayted" ananaviy tarzda terma jamoaga asosiy futbolchilarni etkazib berardi. Devid Bekxem, Ueyn Runi, Rio Ferdinand va boshqa nomdor shaxslar o'tgan yillar davomida terma jamoa uchun muhim futbolchi bo'lib kelgan. Endilikda terma jamoa bosh murabbiyi Li Karsli boshqa klub futbolchilariga ishonishni maqul ko'rdi.