So’nggi yangiliklar

21:24Назорат ўйини. "Бухоро" Туркияда Қозоғистон жамоаси билан жанговар дуранг ўйнади  1 20:57Назорат ўйин. ОКМК Туркияда Грузия жамоаси билан жанговар дуранг ўйнади  1 20:20Деку: "Манчестер Сити" 200 млн евро сарфлади, аммо "Барселона" бунга қодир эмас"  24 19:47ЎФА навбатдан ташқари сайлов Конгресси 22 февраль куни бўлиб ўтади  6 19:28U-17 Antalya Youth Cup. Ўзбекистон U-17 марокашлик тенгқурларига мағлуб бўлди  16 19:17"Манчестер Юнайтед" "Манчестер Сити" собиқ футболчиси билан шартнома имзоламоқчи  0 18:50"Манчестер Юнайтед" Куньяни нишонга олди  1 18:24U-20 Осиё кубоги. Хитой ва Қатар ўртасидаги ўйинда учта гол урилди  8 18:09U-20 Осиё кубоги тарихидан. Дарвозабон Холмуҳаммедов, Гейнрихдан кутилмаган совға, Президент келган оқшомдаги чемпионлик ва Боймуродовни кашф этган мусобақа  1 17:50Испания кубоги ярим финалига қуръа ташланди  43 17:28"Челси" Испания терма жамоаси юлдузини ўз сафига қўшиб олмоқчи  4 17:06А Серия клуби Погбага қизиқмоқда  0 16:47U-20 Осиё кубоги. Қирғизистон мусобақани йирик мағлубият билан бошлади  2 16:24"Барселона" ва Левандовски шартномани бир йилга узайтириш бўйича келишувга эришди  2 15:58Винисиус "Реал" билан шартномани узайтириш борасида музокараларни бошлади  5

"SHu kunga qadar bosib o'tgan yo'limni eslasam, ko'zimga yosh keladi". Tehronning "Istiqlol" klubiga o'tayotgan Joel Kojo saytimizga intervyu berdi Yangiliklar

"SHu kunga qadar bosib o'tgan yo'limni eslasam, ko'zimga yosh keladi". Tehronning "Istiqlol" klubiga o'tayotgan Joel Kojo saytimizga intervyu berdi

Eron jamoasi safiga qo'shilayotgan hujumchi Joel Kojo saytimiz vakilining bir qator savollariga javob qaytardi.

- Salom Kojo. Ishlaringiz qalay? "Dinamo" safidagi yorqin o'yinlaringiz tufayli Eron chempionatiga yo'l olmoqdasiz. "Dinamo" jamoasi uchun joriy mavsum qanday o'tdi?

- Biz Pro Ligada muvaffaqiyatli ishtirok etib, Superligaga qaytdik. CHiroyli o'yin namoyish etdik va har qanday qiyinchiliklarga qaramay, ligada jon saqlab qoldik. Asosiy vazifamiz ham shu edi.

- "Dinamo"da o'tkazgan ikki yillik faoliyatingiz haqida gapirib o'tsangiz. "Dinamo"dagi faoliyatingizni qanday eslaysiz?

- "Dinamo" menga taqdim etgan imkoniyatlar uchun rahmat aytaman. Bosh murabbiyimizga ham minnatdorlik bildiraman. Bosh murabbiyimiz menga ishonch bildirdi. "Dinamo"da yaxshi damlarni o'tkazdim.  Turli xil jamoalardan taklif olish - har bir futbolchining orzusi, yanada yaxshiroq jamoalarga o'tish esa maqsad.

- "Istiqlol" varianti qaerdan paydo bo'ldi? Eron – Qirg'iz Respublikasi uchrashuvidan so'ng klub vakillari sizga taklif bilan chiqishganmidi?

- To'g'risini aytsam, menga bundan oldin ham takliflar bor edi. Maqtanishni istamayman, ammo menga har kuni yangi takliflar bo'layotgandi. Ko'p takliflarga ega bo'lish har bir futbolchi uchun juda yoqimli. "Istiqlol" menga qiziqayotganini aytishdi va biz klub bilan muzokara stoliga o'tirdik.

- Demak, "Istiqlol" bilan shartnomaga qo'l qo'yib bo'ldingiz?

- Mening shartnomam bo'yicha yakuniy qarorga kelinmadi. Biz kelishib olishimiz kerak bo'lgan kichik detallar bor.

- Qirg'iz Respublikasi terma jamoasining JCH-2026 saralashidagi ishtiroki haqida fikr bildirib o'tsangiz...

- Saralash doirasidagi bahslar biz uchun ancha yorqin va esda qolarli bo'lmoqda. Oxirigacha kurashamiz va futbol kutilmagan hodisalarga to'la. Bu mening faoliyatimdagi ilk mundial saralashi va men ushbu bahslarda imkon qadar yaxshiroq o'yin namoyish etishga intilaman. Biz qiyin guruhdan joy oldik, ammo bu mening muammom emas. Biz O'zbekiston va Eronga qarshi o'yinlarda munosib qarshilik ko'rsata oldik. Ikki uchrashuvda ham bizga biroz omad etishmadi deb o'ylayman.

- Siz ikki mavsum davomida Superliga va Pro Ligada ham faoliyat yuritdingiz. Ligalar o'rtasidagi farq haqida nimalar deya olasiz?

- Pro ligada raqobat ancha kuchli va bir nechta raqobatbardosh jamoalar bor. Umumiy qilib aytganda, Pro liga darajasi ham unchalik yomon emas. Superliga darajasi esa umuman boshqa. Superliga klublarida terma jamoa azolari to'p tepishadi.

- Eron chempionatining darajasi haqida qanday fikrdasiz? Eron ligasi siz uchun qiyinchilik tug'dirishi mumkinmi?

- Eron chempionati haqida ko'p gapirishni istamayman, ammo mahalliy klublar qanday kuchga ega ekanligidan barchamiz xabardormiz. Eron klublari Osiyo CHempionlar Ligasida munosib ishtirok etib keladi, shu sababli men mahalliy chempionatni yuqori darajada deb hisoblayman.

- Qirg'iz Respublikasining "Alay" jamoasi ushbu mintaqadagi dastlabki jamoangiz bo'lgan. Siz Qirg'iz Respublikasiga qanday qilib kelib qolgansiz? "Alay"da o'tkazgan damlaringizni qanday eslaysiz?

- "Alay" – mening o'yim. Men u erdagi barchadan minnatdorman. Qirg'iz Respublikasi milliy jamoasida o'ynash taklifi mamlakatdagi beshinchi mavsumimdan so'ng ro'y berdi. Bularning barchasi Yaratganning yordami va mehnatim sababli ro'y berdi.

Men futbol o'ynashni juda yosh boshlaganman va shu kunga qadar bosib o'tgan yo'limni eslasam, ko'zimga yosh keladi. Futbol – hayot yo'limning asosiy qismi. Men Afrikadan ketishni va Evropada futbol o'ynashni istaganman va bu haqda Xudodan ko'p so'raganman. Afrikaning ko'p mamlakatlarida bo'lganman, ammo bu men istagan hayot emas edi, ochig'i. Hozir men Osiyo futbolidaman va o'zim yaxshi ko'rgan ish bilan mashg'ulman, buning barchasi uchun Yaratganga rahmat aytaman.


Abdulvosit Bektemirov suhbatlashdi

Reyting: +10   

Fikrlar

+2   
10 jan 19:53:27
Шахрух Палванов Палванов
Расмни топиб куйибсизлар узбекистонга гол уриб кариллаяпти катанецга билиб куй кожо киргизистон 2 та урса биз 3 та урамиз агар 3 та урсаларинг 5 тани еб куйасан
+2   
10 jan 19:49:44
Best One
Супер лига жамоалари янгилик килишини хохлашмайдими. Динамо ва Кизилкум Джигаури Станоевични нима кераги бор экан уларга. Уларни ёши 30дан утган булса ундан кура бошка бир футболчи топиб келда Жоэль Кожодек кейин сотиб пул ишлаб ол.
+2   
10 jan 19:30:01
Феномен
Яхши футболчи экан Кыргызстан сборнидаги уйинларини курдим эрон узбга карши уйинларла хам анча узини курсатди 23 та уйинда 10 та гол урибди ёмон натижа эмас Кыргызстон даражасидаги терма учун
+1   
11 jan 09:15:23
Аброр Ибрагимов
Кожо яхши хужумчи экан! Динамо мухлисларини дуосини олиб кетган булсанг янаям кучайасан! Динаможонга омад!
+1   
10 jan 19:58:39
Askar nukus
Сарлавха жуда зурку аммо интервью хаммаси дежурний гаплар.
championat.asia
< so’nggi yangiliklarni ko’rish
Яндекс.Метрика