SHerali Jo'raev: “Habib Nurmagomedovning muxlisiman”

“Qizilqum” - “Andijon” uchrashuvida 1:1 hisobi qayd etildi. O'yindan so'ng “Qizilqum” safida gol urgan SHerali Jo'raev bilan suhbatlashdik.

- CHempionatga qizg'in tayyorgarlik ko'rdik. Turkiyada yig'in o'tkazdik va bir qator kuchli raqiblarga qarshi o'rtoqlik uchrashuvlarni olib bordik. Tayyorgarlik alo darajada o'tdi. Bugungi o'yinga kelsak chempionatdagi dastlabki uchrashuvni o'tkazdik va jamoada hayajon sezilarli bo'ldi. Bu birinchi o'yin va nasib etsa oldinda g'alabalar bilan ko'plab muxlislarni yanada xushnud etamiz.

- Golni o'zgacha nishonladingiz...
- Zaxirada o'tirganimda jamoadoshlarimga agarda maydonga chiqib gol ursam, albatta Habib Nurmagomedovga o'xshab nishonlayman deb aytgandim. Men Habibning muxlisiman. Maydonga chiqib javob golini urdim va ushbu uslubida nishonladim. Bundan juda xursandman.

Dildora Xolboeva yozib oldi