Shensnidan havas qilarli natija!
11 apr 11:48
Yangiliklar

Shensnidan havas qilarli natija!

"Barselona" darvozaboni Voycex Shensni Chempionlar Ligasi chorak finalida Dortmundning "Borussiya"siga qarshi o'yinda 90 daqiqa o'ynadi va Kataloniya jamoasidagi mag'lubiyatsiz o'yinlari sonini 21 taga etkazdi.

Polshalik darvozabon boshchiligidagi bu o'yinlarda "Barsa" 17 o'yinda g'alaba qozondi va uchtasida durang qayd etdi. Bu uchrashuvlarning barchasida Shensni 11 marta o'z darvozasi daxlsizligini saqlab qoldi.

Qolaversa, polshalik posbon bir yildan ortiq vaqt davomida klub darajasida mag'lub bo'lmadi. Darvozabonning so'nggi mag'lubiyati "Yuventus"ga 2024 yilning mart oyida A Seriya o'yinida bo'lgandi. O'shandan beri u birorta o'yinda mag'lub bo'lmadi.

2024 yilning yozida polshalik darvozabon faoliyatini yakunlamoqchi bo'lgan, biroq asosiy darvozabon Mark-Andre Ter Shtegen jarohati tufayli uzoq muddatga safdan chiqqani uchun kataloniyaliklarning taklifini qabul qilgan. "Barselona"ga kelgach, Shensni tezda Inyaki Penyani asosiy tarkibdan chiqarib yubordi.

Avvalroq "Barselona" Shensni bilan shartnomani uzaytirmoqchi ekanligi haqida xabarlar tarqalgan edi.

"Barselona" 10 aprel kuni tunda ECHL 1/4 finalining ilk uchrashuvida "Borussiya D"ni 4:0 hisobida taslim qilgan edi.

Havola :

Manba : przegladsportowy.onet.pl

Yangiliklarni Telegramda o'qing!

Reyting: +11