Sergey Lebedev: "Biz vaqtni cho'zganimiz yo'q"

— O'yin qiyin o'tdi. Tezkor gol urdik, ammo shundan so'ng biroz xotirjamlikka berildik. Foydala olmagan vaziyatlarimiz ham bo'ldi. Yaxshi, yosh va harakatchan jamoa. Biz uchun hozirda natija muhim edi. Endi buyog'iga olg'a harakat qilamiz.

— Vaqtni cho'zdinglar.

— Jarohatlar, almashtirishlar bo'ldi. Biz vaqtni cho'zmadik, bunday narsa bo'lgani yo'q.

— Rejalaringiz qanday?

— Birinchi davra yakunlanib olsin. Albatta, tayyorgarlik bo'ladi. Tarkibni kuchaytirish ham amalga oshiriladi. Bizning eng katta muammoimiz vaziyatlardan foydalanishdir.

— Bugungi o'yinda shogirdlaringizda ko'rmagan narsangiz?

— Agar o'yinchi to'liq borini berish bilan harakat qilsa, hech qanday muammo bo'lmaydi. Hamma harakat qildi. Natijaga erishdik, agar teskarisi bo'lganda boshqacha bo'lardi. Yigitlar va bugun o'yinga kelgan muxlislarga rahmat.