Saudiya Arabistonida spirtli ichimliklar: 2034 yilgi JCHda sayyohlar uchun istisno bo'lishi mumkin
27 may 17:20
Yangiliklar

Saudiya Arabistonida spirtli ichimliklar: 2034 yilgi JCHda sayyohlar uchun istisno bo'lishi mumkin

2034 yil Saudiya Arabistonida bo'lib o'tadigan Jahon chempionati vaqtida spirtli ichimliklarga oid qonunlarda istisno holatlari bo'lishi mumkin, deb yozmoqda Britaniyaning "The Sun" nashri.

Manbaga ko'ra, alkogolli ichimliklar istemol qilishga faqat turnirning xorijlik mehmonlari uchun ajratilgan qatiy cheklangan joylarda ruxsat etiladi. Umuman olganda, 600 ga yaqin shunday maxsus hududni yaratish rejalashtirilgan.

Jamoat joylarida, xususiy mulklarda spirtli ichimliklarni istemol qilish, shuningdek, ularni do'konlarda sotishga nisbatan global taqiq o'z kuchida qoladi.

Avvalroq Saudiya Arabistonining Buyuk Britaniyadagi elchisi Holid bin Bandar Al Saud qirollik sayyohlarni mamnun qilish uchun o'zining madaniy va diniy asoslarini qurbon qilmoqchi emasligini takidlagan edi. Mamlakatda 1952 yildan beri spirtli ichimliklar rasmiy taqiqi amal qilib keladi.

Havola :

Manba : The Sun

Yangiliklarni Telegramda o'qing!

Reyting: +1