Sarri Kepa haqida: "Darvozabon haq"

Unda "Manchester Siti" jamoasi "CHelsi"ni penaltilar seriyasida mag'lub etdi.

Uchrashuvning so'nggi daqiqalarida bosh murabbiy Mauricio Sarri va darvozabon Kepa Arrisabalaga o'rtasida kutilmagan kelishmovchilik yuzaga keldi. Sarri Kepani zaxiraga olmoqchi bo'ldi, kiper esa buni rad etdi va o'yinni davom ettirdi. Bu haqda biroz avval batafsil malumot bergan edik.

"CHelsi" bosh murabbiyi Mauricio Sarri ushbu kelishmovchilik borasida fikrini bildirib o'tdi.

"Men vaziyatni tushuna olmadim va faqatgina zaxira o'rindig'iga shifokor kelganidan keyingina hammasini bildim.

Bu katta tushunmovchilik bo'ldi xolos. Men darvozabon jarohat oldi va penaltilar seriyasiga tayyor emas deb o'yladim. Lekin, u jarohatlanmagan va penaltilar seriyasiga tayyor bo'lgan".

Nima uchun tribuna osti yo'lagiga kirgani haqida

"Menga xotirjamlik zarur edi. Kepa uni jismoniy muammo sabab almashtirayotganimni tushundi va hech qanday muammo yo'qligini aytdi. Va u haq edi.

SHifokor kelganidan so'ng hammasini tushundim. Kepa bilan gaplashdim, faqat vaziyatni aniqlashtirish uchun. Endi hammasini tushunaman".