Runi Mbappe va Messi bilan bog'liq vaziyat haqida: "Umrimda hech qachon bunday takabburlikni ko'rmaganman"

Francuz oxirgi o'yindagi vaziyatlardan birida Messini elkasi bilan turtib o'tdi. Ueyn Runi esa ushbu holatga munosabat bildirdi.

“22-23 yosh atrofidagi futbolchi Messini elkasi bilan turtib yubormoqda… Umrimda hech qachon bunday takabburlikni ko'rmaganman. Kimdir Mbappega eslatib qo'ysin, Messi uning yoshida 4 ta “Oltin to'p”ga ega bo'lgandi”, degan Runi.

Avvalroq, Mbappe klub rahbariyatidan Neymarni sotishni talab qilayotgani aytilgandi. Muxlislar esa 23 yoshli futolchini maydonda o'zini etarli darajada ko'rsatmayotgani va ishtiyoqsiz o'ynayotganlikda ayblab, tanqid qilishmoqda.