So’nggi yangiliklar

19:15Суперлига. “Насаф” — “Динамо” 0:0   0 19:12"Барселона" — "Алавес". Таркиблар маълум  8 19:04Рўзиқул Бердиев: "Афсуски, мавсум биз учун бир текис ўтмади"  4 18:46"Манчестер Сити" — "Лидс". Таркиблар маълум  5 18:36Суперлига-2025. "Пахтакор" кумуш, "Насаф" бронза медалига эга чиқишди  16 18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  12 17:28Суперлига. Тарихда илк бор аёл ҳакам бошқарган ўйинда 6 та гол урилди   14 17:00Суперлига. "Насаф" ўз майдонида "Динамо" билан дуранг ўйнаб мавсумни учинчи ўринда якунлади  41 16:59Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади  59 16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  15 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  2 15:39ЖЧ-2026 гуруҳ босқичига қачон қуръа ташланади?  4 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:17"Андижон" ярим ҳимоячиси кейинги мавсумни "Бунёдкор"да ўтказади   4

Ro'ziqul Berdiev: "Afsuski, mavsum biz uchun bir tekis o'tmadi" Yangiliklar

Ro'ziqul Berdiev: "Afsuski, mavsum biz uchun bir tekis o'tmadi"

Superliga 30-turidan o'rin olgan "Nasaf" - "Dinamo" (0:0) uchrashuvidan so'ng qarshiliklar bosh murabbiyi Ro'ziqul Berdiev matbuot anjumanida ishtirok etdi.

- O'yin haqida fikringiz?

- Avvalo klubimiz rahbariyati hamda viloyatimiz rahbarlariga ushbu mavsum uchun minnatdorchilik bildiraman. Bizni yil bo'yi qo'llab turgan muxlislarga ham katta rahmat. Afsuski, mavsum biz uchun bir tekis o'tmadi. Shunga qaramay, esda qolarli o'yinlar ko'p bo'ldi deya olaman. "Dinamo" ham bizga o'xshab hujumni yoqtiradigan jamoa, bugun darvozalarga to'p kiritilmagan bo'lsa ham, o'yin shiddatli o'tdi. Ko'plab vaziyatlar yaratildi. Menimcha, durang adolatli bo'ldi. G'alabaga bo'lgan ishtiyoq va xohish yuqori edi. Yana bir hammaga rahmat aytib qolaman.

- "Nasaf" etakchilariga takliflar bo'layotganini eshitdik.

- Bilasiz, dekabrda ham o'yinimiz bor. Hozir futbolchilarga dam berib, 23 dekabr kungi Elit OCHL bahsiga o'n kun qolganida mashg'ulotlarni boshlaymiz. Futbolda mish-mishlar sira tinmaydi. Klubda ishlab bazan o'zimiz ham jamoaga kim kelayotgani yoki kim ketayotganini matbuotda o'qib hayron qolamiz. Lekin har bir transfer rasman amalga oshmaguncha shunchaki gap-so'z bo'lib qolaveradi. Jamoamiz etakchilaridan hali hech kim oldimizga kelib ketmoqchi ekanini aytgani yo'q. Agar takliflar bo'lsa o'ylab ko'ramiz.

- Bu yil "Nasaf" legionerlardan foyda ko'rmagani hamda umuman qoniqmagani ko'rindi. Shundan kelib chiqib legionerlar jamoani tark etadimi?

- Bazi birlaridan nafaqat men, balki klubimiz ham qoniqmadi. Bu haqda oldin ham gaplashgandik. Shartnomani sal avvalroq bekor qilishimiz mumkin edi, biroq mavsum tugashiga oz qolgani uchun indamay turdik. To'g'risi, legionerlarning bizga foydasi tegmayapti va ular bilan shartnoma bekor qilinadi.

- "Nasaf" "Dinamo"ning bir nechta futbolchisiga qiziqish bildiryapti deb eshitdik.

- Boya aytganimdek, transfer amalga oshmaguncha gap-so'z bo'lib qolaveradi. Futbolda qaysidir jamoaning qaysidir futbolchiga qiziqayotgani haqida gap chiqishi tabiiy hol. Shuni aytishim mumkin, "Dinamo"ning o'yin uslubi bizning jamoa o'yiniga juda yaqin. Futbolchilar ham tez moslashib keta oladi deb o'ylayman. Lekin baribir hammasi hozircha gap-so'z.

- Cholovich bugun maydonga tushmadi.

- Jarohati sabab qaydnomaga kiritmadik. Oybek Bozorov ham bugun yordam bera olmadi.

- Mavsum davomida "Nasaf"ning kashfiyot futbolchisi kim? Va ishonchingizni umuman oqlamagan o'yinchi?

- Kashfiyot demagan bo'lardim-u, lekin Sardor Bahromov mavsumni juda yaxshi o'tkazdi. U olimpiya terma jamoasiga, so'ngra milliy terma jamoaga ham chaqirildi. Ishonchni oqlamagan futbolchilar deb bazi legionerlarni ko'rsata olaman.

- Yangi mavsumda legionerlarni klubga jalb etish qanday bo'ladi?

- Rahbariyat bilan uchrashuvdan so'ng bu mavzu haqida gaplashsak bo'ladi deb o'ylayman. 

- Bugun Marko Stanoevichga to'n kiydirish marosimi o'tkazildi.

- Marko "Nasaf" uchun katta ish qilgan. O'tgan yil u bilan shunchaki xayrlashib qo'ygandik. Bu yil esa to'n kiydirish marosimi o'tkazildi. Bu ham yaxshi bo'ldi, chunki boshqa futbolchilarga motivaciya bo'ladi, qolaversa Marko uchun ham unutilmas voqea bo'ldi.

- O'tgan yilgi chempion mavsumni 3-o'rinda tugatdi. Bu borada qanday xulosa bera olasiz?

- To'g'risini aytishimiz kerak, milliy chempionat darajasi va futbolchilar saviyasi o'sib bormoqda. Terma jamoa ishtirokidagi o'yinlar ham gapimga isbot bo'la oladi. Yurtimizda futbol rivoji uchun barcha sharoitlar amalga oshyapti. Nasib qilsa, o'zbek futboli yanada rivojlanadi.

Reyting: -1   

Fikrlar

+1   
29 noy 19:15:33
Arxiv.uz
Утган йили йил охирида сотган уйинлар учун, бу йил йеб куйдиз Рузи ака. Лекин селекция учун жамоада кимдир жавоб бериши керак. Завод замларидан футбол рахбарлари чикмаслигини хамма курди. Не футболний одамларни камайтириш керак. Феврал охирида уйинчи кидириш учун, футболдамас, заводда 10 йил ишлаган булиш керак
   
29 noy 19:59:03
Don
Насафга янги мурабий олиб келишмаса мессию ронолдуни олиб келишсаям Насаф Рузиқул билан тошбақадек секин уйнаб юровуради, Насафчилар гол уришга эмас бир бирига туп ошириб юриши яхши курадиган булиб қолган,тупни хам купро орқага ошириб уйнаши хуш куришади,футболчилари худди нон йемагандек шунақанги секин уйнашадики булани уйини куриб одами чечворгиси келади
   
29 noy 19:46:44
Doniyor 1800
Nasaf futbol oʻynashni unutganday Berdiyevni aybi Cheran va himoya darvozabon zahira darvozabonga yaxshiroq darvozabon olish kerak edi Elit ligada juda koʻp pand berdi Golban, Muhammadiev hujumda Cheran rasvo qildi Al ahli 1 uyinda darvozabon himoya xatolar qilmaganda hozir ruhiyati yaxshi bo'lardi hammasi usha uyindan boshlandi umid qilamiz 2026 yoshlarga imkoniyat beriladi 2-3 yilda hammasi joyiga tushadi
   
29 noy 19:40:16
RS
Мавсумдаги охирги тур уйинлари Насаф мухлисларини жуда ранжитди. Кейинги чемпионат олдидан жамоа таркибини ва уйин тактикаларини жиддий куриб чикиш керак.
championat.asia
< so’nggi yangiliklarni ko’rish
Яндекс.Метрика