Roy Kin: "Deklan Rays bu narxga arzimaydi"

"Tabiiyki, endi uning atrofida darajasi yuqoriroq sheriklar bo'ladi va u avvalgidan oldinroqda harakat qilsa, unga qo'yiladigan talablar ham o'zgaradi. U jismonan baquvvat va jamoasi ko'proq gol urishi uchun salohiyati etarli.

Ammo bularning barchasi bilan bir qatorda, uning transferi uchun ko'proq to'lashgani ham aniq. Bu Deklan Rays, yuz million funtdan qimmatrog'iga arzimaydi. To'g'ri, hozirgi zamonda bu tarifni ko'pchilikka ishlatish mumkin. Ammo... Yaqin bir-ikki yilda uning asl darajasini bilib olamiz", – dedi Kin ITV efirida.

Eslatib o'tamiz, londonliklar futbolchini 105 million funtga sotib oldi. Bu britan futboli tarixidagi eng yirik ichki o'tish sanaladi.